Wednesday, May 6, 2015

အတာသင်္ကြန်ပွဲတော်နှင့် သက်ကြီးပူဇော်ပွဲတော်



              
                             အတာသင်္ကြန်ပွဲတော်နှင့် သက်ကြီးပူဇော်ပွဲ 
                                 
     နယူးဘန်း  အတာသင်္ကြန်ပွဲတော်သို့ အောက်ပါအစီအစဉ်အတိုင်း ကြွရောက်အားပေး ဆင်နွှဲကြ
ပါရန် လေးစားစွာ ဖိတ်ကြားအပ်ပါသည်။
                                                

                                                    အစီအစဥ
နေ့ရက်။        ။ မေလ(၁ရ) ရက် ၂၀၁၅ ခုနှစ်(တနင်္ဂနွေနေ့)
အချိန်။         ။ နံက်(၉)နာရီ မှ ညနေ (၅)နာရီ
နေရာ။          Farmer Market, 421 S Front St, New Bern, NC 28560
ဆက်သွယ်ရန်။      ။ ကိုအောင်ကြည်   (252-571-2475)
                           ကိုအောင်သန်း (252-672-9304)
                           ကိုကျော်ဇင် (252-638-4112)
                           ကိုထွန်းသိန်း(252-571-7935)
                           ကိုစိုးသန်း(252-649-9700)

Tuesday, March 10, 2015

ခွပ်ဒေါင်းတွေကို ဖြိုခွင်းနေကြပြီ

ခွပ်ဒေါင်းတွေကို ဖြိုခွင်းနေကြပြီ
ချောင်ပိတ်ရိုက်တဲ့ရဲ သတ္တိခဲပါပဲ
အားနဲ(နည်း)တဲ့ကျောင်းသား
လက်နက်လည်းကိုင်မထား
ရဲသားလေးယောက်
ကျောင်းသားတယောက်ကို
ထောက်လျှောက် ၀ိုင်းရိုက်
မိုက်ပြနေတဲ့ရဲစုတ် အဟုတ်ကြီးထင်
သမိုင်းတွင်မယ့် မိစ္ဆာပုံသွင်
လုပ်ရိုးစဉ်ဆက် ပုံကိုမပျက်
လက်စောင်းထက်တဲ့နေရာ
ဘာနဲ့မှ နှိုင်းလို့မရပါ
မိစ္ဆာကမွေး မိစ္ဆာကကျွေး
လူသွေးကိုဖေါက် လူသွေးသောက်တဲ့
ကြောက်စရာ့ဘီလူး အစွယ်ပြူးတဲ့
အာဏာရူးတွေ ဘယ်သူသေသေ
ငရွှေမာပြီးရောစိတ်ဓါတ်နဲ့
လူလည်းသတ် ဘုန်းကြီးတွေလဲသတ်
မိုက်ဇာတ်အတန်တန် ဒေါမာန်တကဲကဲ
မိုက်မဲခဲ့တာ တာတေလန်ပါပဲ…။
ခွပ်ဒေါင်းတွေကိုဖြို ပြိုခဲ့ရလည်း
ရည်ရွယ်ချက်ကို ဖြိုလို့မရ
အိုဘားမာပြောသလို
ထောင်ကိုသာဝင်ချင်ဝင်မယ်
အာဏာရှင်ကိုတော့
လက်လျှော့အရှုံးမပေး
ခွပ်ဒေါင်းသွေး မြေခသည့်တိုင်
စိတ်ဓါတ်က မယိမ်းယိုင်
ခွပ်ဒေါင်းအောင်လံဆွဲကိုင်ပြီး
ဒီမိုကရေစီ ပန်းတိုင်အရောက်
ရဲရဲတောက် ဇွဲနဲ့လျှောက်
ဘယ်သောအခါမှ လက်မမြှောက်…။
တက္ကသိုလ်ဘုန်းကြွယ်(မတ် ၁၀ ၁၅)

Friday, February 13, 2015

သီတဂူ ဆရာတော်ဘုရားကြီး လှူဒါန်းသော ကျောက်စာဖွင့်ပွဲ နတ်မောက်မြို့  ဗိုလ်ချုပ်နေအိမ်တွင် အောင်မြင်စွာ ပြုလုပ်ပြီးစီး (ဓာတ်ပုံ)

ယနေ့ ဖေဖေါ်ဝါရီလ၊ ၁၃ရက်နေ့တွင် ကျရောက်သော ဗိုလ်ချုပ် ရာပြည့်ပွဲတော်ကို ဗိုလ်ချုပ်၏ မွေးရပ်ဇာတိ နတ်မောက်မြို့တွင် ကျင်းပခဲ့သည်။

ထိုရာပြည့်ပွဲတော်တွင် သီတဂူဆရာတော်ကြီးမှ ရာပြည့် အထိမ်းအမှတ်ကျောက်စာ လှူဒါန်းခဲ့ပါသည်။

ရာပြည့်ပွဲကို အစီစဉ်သုံးပိုင်းဖြင့် ကျင်းပပြုလုပ်ရာ ပထမအစီစဉ်တွင် အခမ်းအနား ဖွင့်လှစ်ပြီးနောက် ကျေးဇူးတော်ရှင် သီတဂူဆရာတော် ဘုရားကြီးမှ ဗိုလ်ချုပ်၏ဂုဏ်ကျေးဇူးကို သခင်ကိုယ်တော်မှိုင်း ရေး သားသော လေးချိုးဖြင့် ဝေဝေဆာဆာ ရှင်းပြဟောကြားပေးခဲ့သည်။

ထို့နောက်တွင် ဗိုလ်ချုပ်၏ သမီးဒေါ်အောင်ဆန်းကြည်မှ တက်ရောက် လာသော လူထုပရိသတ်ကြီးအား မိမိ၏ ဖခင်တစ်ဦးအဖြစ်လည်းကောင်း၊ တိုင်းပြည်ခေါင်းဆောင်တစ်ဦး အဖြစ်လည်းကောင်း၊ အမျိုးသားခေါင်းဆောင်ကောင်းတစ်ဦး၏ တိုင်းပြည်အပေါ် ထားရှိခဲ့သော သစ္စာတရားကို အဓိကထားကဟောပြောပြီး ဗိုလ်ချုပ်ကို တကယ် ချစ်မြတ်နိုး ပါက ဗိုလ်ချုပ်ဖြစ်စေချင်သော ဒီမိုကရေစီပြည်ထောင်စုကြီးကို တိုင်းရင်းသား ညီအစ်ကို မောင်နှမများ စည်းကမ်းရှိရှိ လက်တွဲကာ အဓွန့်ရှည် တည်တံ့ရန် အတွက် ထိန်းသိမ်းဆောင်ရွက်ကြရန် တိုက်တွန်း ပြောကြားသွားခဲ့ပါသည်။

အစီစဉ် ဒုတိယပိုင်းကို ဗိုလ်ချုပ်အောင်ဆန်း နေအိမ်ပြတိုက်တွင် သီတဂူ ဆရာတော်ဘုရားကြီး လှူဒါန်းသော ကျောက်စာဖွင့်ပွဲ ပြုလုပ်ခဲ့သည်။

သတင်း - သီတဂူထိန်းလင်းဦး၊ သီတဂူကျော်ဆန်းဝင်း၊ သီတဂူမောင်မောင်

Sunday, January 25, 2015

ဖေ့စ်ဘွတ်ခ်မှာ ဖတ်ရှုရတဲ့ ကာတွန်း


ဝီရသူဆိုသူဘယ်လိုလူစားနည်း?

 
Bangkok Post နဲ့ Straits Times က Myanmar firebrand monk defend UN whore slur
မြန်မာ့ ဘုန်းကြီးက ကုလသမဂ္ဂဖာသည်မဆိုပြီး တိုက်ခိုက်ခြင်း ဆိုတဲ့ ခေါင်းစဉ်နဲ့ ဖော်ပြခဲ့တယ်..Bangkok Post နဲ့ Straits Times က Myanmar firebrand monk defend UN whore slur

မြန်မာ့ ဘုန်းကြီးက ကုလသမဂ္ဂဖာသည်မဆိုပြီး တိုက်ခိုက်ခြင်း ဆိုတဲ့ ခေါင်းစဉ်နဲ့ ဖော်ပြခဲ့တယ်..

ဤအကြောင်းအရာတွေကို မရေးချင်။ အထူးသဖြင့် ဝီရသူအကြောင်းဆို ပို၍ပင်မရေးချင်။ သို့ရာတွင် သူကတိုင်းပြည်အရေးကို ဝင်ရောက်နှောက်ယှက်လာသည့်အတွက် ရေးမှဖြစ်မည်ဟု ယူဆမိသဖြင့် ရေးလိုက်သည်။ ဝီရသူသည် အထက်ဗမာပြည်တွင် မွတ်စလင်ဆန့်ကျင်ရေးလှုံဆော်မှုကြောင့် မွတ်ဆလင်ကိုယ်ဝန်ဆောင်အမျိုးသမီးနှင့် ကလေးငယ်တို့ မီးလောင်နေဆုံးသွားမှုကြောင့် ထောင်ကျ ခဲ့သည်ဟု ကြားသိရသည်။ ဤအတိုင်းမှန်ပါကလူကိုသေစေရန် လှုံဆော်သဖြင့် ဗုဒ္ဓဘာသာအရ ပါရာဇိကံကျပြီး ဖြစ်သည်။ ရာဇဝတ်ပြစ်မှုဖြင့်ထောင်ကျခဲ့သူဖြစ်သည်။

ကျနော်တို့ အမေရိကရောက်ကျောင်းသားများ မြန်မာပြည်သို့ အစိုးရအဖွဲ့ဝန်ကြီးနှစ်ဦးနှင့် ပထမအကြိမ် တွေ့ဆုံဆွေးနွေးရန် ပြည်တော်ပြန်လာစဉ်က မန္တလေးမစိုးရိမ်တိုက်ဟောင်းနှင့် တိုက်သစ်မှ ဆရာတော်များကြီးကို သွားရောက်ဂါရဝပြုစဉ် တိုက်သစ်တွင် သီတင်းသုံးနေသော ဝီရသူကို မွတ်ဆလင်ဆန့်ကျင်ရေးလုပ်နေသဖြင့် နာမည်ထွက်နေသောသူဖြစ်ကြောင်း ပြောပြကြသဖြင့် လေ့လာလိုသည့်စိတ်နှင့် ကျနော်၊ မိုးသီးဇွန်၊ ကိုကိုလေး၊ မူးသာတို့အပြင် အေဘီအက်ဒီအက် မြောက်ပိုင်းအသက်ဘေးမှ လွတ်လာသော ကျောင်းသားများအဖွဲ့မှ ကိုညီညီကျော်၊ မအမာနီတို့ သွားရောက်တွေ့ဆုံခဲ့ကြသည်။

ဝီရသူကျောင်းသို့ရောက်ပြီးနောက် ယင်းပုဂ္ဂိုလ်က ချက်ချင်းထွက်မလာဘဲနေပြီးမှ ဗီဒီယိုရိုက်ကူးသူ ပုဇင်းပျိုတပါးဖြင့် ကျနော်တို့အုပ်စုကို ဗီဒီယိုရိုက်စေပြီး ဧည့်ခံစကားပြောသည်။ ကျနော်တို့သည် အေဘီအက်စ်ဒီအက်ဖ်မှ ခေါင်းဆောင်များဖြစ်သည်ဟု မိတ်ဆက်ခဲ့ပြီးနောက် သူက ကျနော်တို့အား “အခု မြောက်ပိုင်းအေဘီအက်စ်ဒီအက်ဖ်မှာ ဖြစ်ခဲ့တဲ့သတ်ဖြတ်မှုတွေဟာမဖြစ်သင့်ကြောင်း၊ သို့သော်လည်းထိုသို့ သတ်ဖြတ်မှုကိုကျူးလွန်သူများကို လက်စားခြေမည်ဆိုသည်မှာလဲ မဖြစ်သင့်ကြောင်း၊ ထိုသို့ လက်စားခြေအရေးယူရန်လုပ်နေခြင်းသည် လူယုတ်မာတို့၏ လုပ်ရပ်သာဖြစ်ကြောင်း ပြောကြားသည့်အခါ မြောက်ပိုင်းတွင် မတရား နှိပ်စက်ညှင်းပန်း ခံခဲ့ရသူ ကိုညီညီကျော်နှင့် အသတ်ခံရသူအထက်ဗမာပြည်ဗကသဥက္ကဋ္ဌကိုထွန်းအောင်ကျော်၏ ဆွေမျိုးတော်စပ်သူ မအမာနီတို့မှာ အတော် လှုပ်လှုပ်ရှားရှား ဖြစ်၍သွားခဲ့ပါသည်။

ကျနော်မှ “ဦးပဇင်းအနေနဲ့က ဗုဒ္ဓဘာသာဝင်ရဟန်းဖြစ်နေတော့ ဗုဒ္ဓရဲ့အဆုံးအမအတိုင်း သည်းခံဖို့ ခွင့်လွှတ်ဖို့ ပြောတာနားလည်ပါတယ်။ ဒါပေမဲ့ ဒီအသတ်ခံရတဲ့သူတွေထဲမှာ ဦးပဇင်းရဲ့အဖေ၊ ညီအစ်ကိုမောင်နှမ၊ ဆွေမျိုးတွေ တယောက်မှ မပါဘူး။ ဦးပဇင်းကိုယ်၌ကလည်း နှိပ်စက်တာ မခံစားခဲ့ရဘူး။ ဒါကြောင့် ဦးပဇင်းက ခွင့်လွှတ်သင့်တယ်ဆိုတာကို လွယ်လွယ်နဲ့ပြောနိုင်ပေမဲ့ ဖခင်တွေ၊ အကိုတွေ၊ သမီးတွေ၊ သားတွေ ဆုံးရှုံးခဲ့ရတဲ့ သူတွေအနေနဲ့ တရားမျှတမှုကိုတော့ လိုလားမှာ အမှန်ပါဘဲ။ ဒါကို ယုတ်မာတယ်လို့ မသတ်မှတ်သင့်ပါဘူး။ နောက်တချက်က ဦးပဇင်းပြောသလို ဒီလိုလူသတ်တရားခံတွေကို လက်စားမခြေနဲ့ ခွင့်လွှတ်လိုက်လို့ဆိုရင် ကျနော်တို့ နိုင်ငံမှလူသတ်မှုကိုတောင်ခွင့်လွှတ်ပြီဆိုမှ ထောင်ဆိုတာ ထားစရာတောင် မလိုတော့ဘူး။ ကျန်တဲ့အမှုတွေဟာ အသေးအဖွဲလေးတွေပဲ။ ဒါကြောင့် ထောင်လည်း မထားဘဲ အပြစ်လုပ်တဲ့သူတွေ မှန်သမျှ ခွင့်လွှတ်လိုက်ရင် မြန်မာပြည်မှာ လုပ်ချင်တာလုပ်ဟေ့ အားလုံးက ခွင့်လွှတ်တယ်ဆိုပြီး လူတွေသတ် ဓါးပြတိုက်နဲ့ မင်းမဲ့စရိုက်တွေ ကြီးစိုးလာမှာပဲ၊ ထောင်တွေထားတာ ဒီလိုဖြစ်မလာ အောင်ပေါ့” ဟု ပြောလိုက်သည့်အခါ ဝီရသူငိုင်သွားသည်။ ဘာမှဆက်မဟနိုင်တော့။ ဝီရသူသည် ထိုကဲ့သို့သင်္ကန်းဝတ် ဖြစ်သည်။ ဘုန်းကြီးတော့မဟုတ်။ အတွေးအခေါ်မရှိ ထင်ရာပြော ထင်ရာလုပ်နေသည့်လူရမ်းကားသာဖြစ်သည်။

ယခု ကုလသမဂ္ဂလူ့အခွင့်အရေးကိုယ်စားလှယ် မစ္စယုံဟီလီးကို “မျိုးစောင့်ဥပဒေ ဒီလောက်ချပြထားတာ ဒီကောင်မက တစ်ခုမှ မလေ့လာဘဲ ဟိုစွာကျယ်မတွေ တင်ပြတာနဲ့တင် လူ့အခွင့်အရေးနဲ့ မညီဘူးဆိုပြီး ကန့်ကွက်နေတဲ့ ကောင်မရော အမျိုးကောင်းသမီး ဟုတ်ပါသလား။ ကုလသမဂ္ဂထိုင်ခုံပေါ် ရောက်တယ်ဆိုပြီး ကိုယ့်ကိုယ်ကိုယ် လူကြီးလူကောင်းလို့ အောက်မေ့မနေနဲ့။ ခင်ဗျားဟာ ကျုပ်တို့နိုင်ငံအတွက်တော့ ဖာသည်မပဲဗျ။ ခင်ဗျားစိတ်ပါလို့ ခင်ဗျားကုလားကို ဖင်ပေးပါ”။ စသည်ဖြင့် ယုတ်ရင်းကြမ်းတမ်းသောစကားကို ဆဲရေးပြောခြင်းသည် သူ၏အဆင့်အတန်းကို ဖေါ်ပြနေသလိုတဖက်မှလည်း ဗုဒ္ဓဘာသာအခြေခြုံထားသည့်အတွက် မြန်မာဗုဒ္ဓဘာသာ ရဟန်းတွေဟာ ဒီလိုအောက်တန်းကျတဲ့ စကားတွေပြောပါလား၊ ပြောရင်လည်း အပြစ်မယူပါလားဟု မြန်မာနိုင်ငံ၏ သံဃာထုကြီးတစ်ရပ်လုံးကိုလည်း ဂုဏ်သိက္ခာညှိုးနွမ်းစေသည့်အပြင် ဗုဒ္ဓဘာသာ၏ ဂုဏ်ကိုလည်း တိုက်ရိုက်ထိခိုက်စေသည်။

တဖက်တွင်လည်း စာရေးဆရာထင်လင်းဦးကို သာသနာညှိုးနွမ်းစေမှုဖြင့် ရဲမှအမှုဖွင့်၍ အရေးယူ ထားပြီး အာမခံပေးရန်လျှောက်ထားမှုကို တရားသူကြီးကသုံးကြိမ်တိတိပယ်ချပြီးဖြစ်သည်။ စာရေးဆရာထင်လင်းဦးတွင် အရေးယူခံရနိုင် လောက်သည့် သာသနာညှိုးနွမ်းစေသည့် အပြောအဆိုကို မတွေ့ရပါ။ ဦးထင်လင်းဦးက မိမိအမျိုးကိုမှ ချစ်မည်ဆိုလျှင် “ဗုဒ္ဓသည် မြန်မာပြည်ရှိ မည်သည့် တိုင်းရင်းသားမှ မဟုတ်သည့်အတွက် အမျိုးချစ်ရင်မကိုးကွယ်ကြနဲ့ပေါ့” ဟုဆိုသည်။ သူကဆက်၍ “ဗုဒ္ဓကို ကိုးကွယ်သည်မှာ သူ၏တရားဓမ္မကိုကြည်ညိ၍ ဖြစ်သည် လူမျိုးကိုကြည့်၍ ကိုးကွယ်ခြင်းမဟုတ်” ဟု ဆိုသည်ကို အထအနကောက်ပြီး “ဗုဒ္ဓကို မကိုးကွယ်နဲ့” ဆိုပြီးပြောသည်ဆိုသည့်အပိုင်းကိုသာ ဖေါ်ပြပြီး သူပြောသည့်အကြောင်းအရာ အပြည့်အစုံကို မဖေါ်ပြဘဲ တရားစွဲဆိုကြခြင်း ဖြစ်သည်။ “သာသနာကိုဖျက်နေသောသူများသည် သာသနာ အရေခြုံထားသည့် သီလကြောင်များကြောင့်သာဖြစ်သည်” ဟု သူကပြောသွားခြင်း သည်လည်း ဗုဒ္ဓသာသနာကို သန့်စင်လိုသည့် စေတနာဖြင့် သာသနာကို ခုတုံးလုပ်နေသည့် သင်္ကန်ဝတ် အရေခြုံများကိုသာ ပြစ်တင်ပြောကြား သွားခြင်းဖြစ်သည့်အတွက် သူ့အား သာသနာ ညှိုးနွမ်းစေမှုဖြင့် တရားစွဲခြင်းသည် ယနေ့ မြန်မာနိုင်ငံတွင် တရားဥပဒေအမှန် တကယ်စိုးမိုးမှု မရှိကြောင်း မတရားဥပဒေသာရှိကြောင်း သက်သေပြချက်တခုပင်ဖြစ်သည်။

ဝီရသူသည် မန္တလေးမဘသညီလာခံကြီးတွင် လူတွေ့မေးမြန်းစဉ်က သူ့အနေနှင့် ဒေါ်အောင်ဆန်းစုကြည်ကို ဒီမိုကရေစီရအောင် ကြိုးစားနေသည့်အတွက် လေးစားကြောင်း သို့ရာတွင် သမ္မတအဖြစ် ရွေးရမည်ဆိုလျှင် သူမသည် နိုင်ငံခြားသားကို ယူထားသဖြင့် တိုင်းပြည်အတွက် အသက်စွန့် တာဝန်ထမ်းဆောင်ခဲ့သော သူရဦးရွှေမန်းကိုသာ ရွေးမည်ဖြစ်ကြောင်း ပြောကြားသွားခဲ့သည်မှာ ကြံခိုင်ဖြိုးပါတီအတွက် ဗြောင်မဲဆွယ်မှုပင် ဖြစ်သည်။

သာသာနာကို မပျက်မယွင်းအောင် စောင့်ရှောက်ရမည်ဆိုသောသူသည် ဗုဒ္ဓဘာသာဝင် နိုင်ငံခြားသားကို ယူခဲ့သော ဒေါ်အောင်ဆန်းစုကြည်ကို မဲမပေးဟုဆိုခြင်းသည် သူ့ပြောစကားနှင့် ရှေ့နောက်ဆန့်ကျင်လျက်ရှိသည်။ ဗုဒ္ဓဘာသာဝင်ဖြစ်သော်လည်း နိုင်ငံခြားသားဆိုလျှင် လက်မခံဆိုသည်မှာ ဘာသာရေးထက် လူမျိုးရေးကို ဦးစားပေးနေသော အရေခြုံဘုန်းကြီး ဖြစ်နေကြောင်း သက်သေပြမှုပင်ဖြစ်သည်။

နိဂုံးအားဖြင့် ဗုဒ္ဓမြတ်စွာသာသနာကို အမှန်တကယ် ညှိုးနွမ်းအောင် ဂုဏ်သိက္ခာ ကျအောင် ပြုလုပ်ခဲ့သော ဝီရသူလိုသူမျိုးကို ချက်ချင်းအရေးယူသင့်သော်လည်း အစိုးရခါးပိုက်ထဲမှ သံဃာ့မဟာနာယကအဖွဲ့ကြီးသည်လည်း တိုင်သူမရှိ၍ ဆိုပြီးနှာစေးနေခြင်းနှင့် အစိုးရရဲတပ်ဖွဲ့မှလည်း အပြစ်မရှိသူကို ဖမ်းဆီးပြီးအပြစ်ရှိသူကို အရေးမယူဘဲ လွှတ်ထားခြင်းတို့သည် ဝီရသူကို အစိုးရမှမွေးထားခြင်းကို ထင်ရှားစေသည်။

ထွန်းအောင်ကျော် (၇၄)

Saturday, January 24, 2015

ဦးဝီရသူကို ခုလို ဆက်ခွင့်ပြုထားရင်ဘာဖြစ်လာနိုင်မလဲ

ဦးဝီရသူကို ခုလို ဆက်ခွင့်ပြုထားရင်ဘာဖြစ်လာနိုင်မလဲ

 စည်သူအောင်မြင့်
(22-1-2015)

အခု ရက်ပိုင်းအတွင်း ဗုဒ္ဓဘာသာအနွယ်ဝင် သူတော်စင်အပေါင်းကို စိတ်ညစ်ညူးသွားစေတဲ့ သတင်းတစ်ပုဒ်ကတော့ အမျိုးဘာသာသာသနာ ထိန်းသိမ်းစောင့်ရှောက်ရေး အဖွဲ့ (မဘသ) ခေါင်းဆောင် မန္တလေး မစိုးရိမ်တိုက်သစ် ဆရာတော် အရှင်ဝီရသူက ကုလသမဂ္ဂ လူ့အခွင့်အရေးဆိုင်ရာ အစီရင်ခံစာရေးသူ မစ္စရန်ဟီလီ၊ ဒေါ်အောင်ဆန်းစုကြည်နဲ့ အင်န်ဂျီအိုအဖွဲ့ဝင် အမျိုးသမီးတွေကို ရိုင်းပြတဲ့ အသုံးအနှုန်းတွေနဲ့ ဆဲဆိုလိုက်ခြင်းပါပဲ။န္ဒပြလူထု အစည်းအဝေးပွဲကြီးမှာ ခုလိုဆဲဆိုလိုက်တာ ဖြစ်ပြီး အဲလိုဆဲဆိုထားတဲ့ ရုပ်သံဖိုင်ဟာ အင်တာနက် စာမျက်နှာတွေမှာလည်း အလွန်ပျံ့နှံ့ခဲ့ပါတယ်။ ခုဆိုရင် နိုင်ငံတကာသတင်း စာမျက်နှာတွေမှာ ဦးဝီရသူက အဲလိုညစ်ညမ်းတဲ့ အသုံးအနှုန်းနဲ့ ဆဲဆိုလိုက်တယ်ဆိုတဲ့ သတင်းပျံ့နှံ့သွားပါပြီ။ ဦးဝီရသူ ပြောဆိုလိုက်လို့ ဗုဒ္ဓဘာသာ ပုံရိပ် ထိခိုက်သွားသလား၊ နိုင်ငံ့ပုံရိပ် ထိခိုက်သွားသလား၊ ဒီပြဿနာမရှင်းရင် ဘာတွေ ဆက်ဖြစ်လာနိုင်မလဲ ဆိုတာ ဒီကနေ့ ဆွေးနွေးတင်ပြသွားပါ့မယ်။

ဦးဝီရသူ ပြောဆိုခဲ့တဲ့ စကားအပြည့်အစုံကတော့ "အမျိုးစောင့် ဥပဒေ ဒီလောက်ချပြထားတာ ဒီကောင်မက တစ်ခုမှ မလေ့လာဘဲနဲ့ ဟိုစွာကျယ်မတွေ တင်ပြတာနဲ့တင် လူ့အခွင့်အရေးနဲ့ မညီဘူးဆိုပြီးတော့ လိုက်ကန့်ကွက်နေတဲ့ ကောင်မရော အမျိုးကောင်း သမီးဟုတ်ပါ့မလား။ ကုလသမဂ္ဂ ထိုင်ခုံပေါ်မှာ ရောက်တယ်ဆိုပြီး ကိုယ့်ကိုယ်ကိုယ်လူကြီးလူကောင်းလို့ အောက်မေ့မနေနဲ့။ခင်ဗျားဟာကျုပ်တို့နိုင်ငံအတွက် တော့သယ်မပဲဗျ။ ခင်ဗျား စိတ်ပါလို့ခင်ဗျား ကုလားကို ပေးပါ။ကျုပ်တို့ ရခိုင်ပြည်ကိုတော့ခင်ဗျား ရောင်းစားမယ် မလုပ်ပါနဲ့။ ရခိုင်ပြည်ဟာ ကျုပ်တို့ရဲ့ခံတပ်ကြီး။ ရခိုင်ပြည်ဟာ ကျုပ်တို့ရဲ့ အနောက်တံခါးဝ၊ီတံခါးကို ခင်ဗျားတို့ ဝင်ရောက်ချိုးဖျက်မယ် မကြံပါနဲ့။ ချိုးဖျက်ရင်တော့ထိုးနှက်ပစ်မှာ'' ဆိုပြီးဖြစ်ပါတယ်။

ပထမဦးဆုံး စဉ်းစားဖို့လိုတာက အေးချမ်းပါတယ်၊ မေတ္တာတရား လက်ကိုင်ထားပါတယ်ဆိုတဲ့ ဗုဒ္ဓဘာသာဝင် ဘုန်းတော်ကြီးတစ်ပါး ကခုလို ရုန့်ရင်းကြမ်းတမ်းတဲ့ စကားပြောဖို့ သင့်မသင့်ပါ။ အခုဆိုရင်ဒီသတင်း၊ သတင်းစာဂျာနယ်တွေမှာ အကျယ်တဝင့် ဖော်ပြနေကြပြီး ဗုဒ္ဓဘာသာ ရဟန်းတော်တွေကတော့ အဲဒီလိုရုန့်ရင်းကြမ်းတမ်းတာ မပြောသင့်တဲ့အကြောင်း၊ ရဟန်းဝိနည်းနဲ့ မညီတဲ့အကြောင်း၊ သံဃာတော်တွေ စောင့်ထိန်းရမယ့် သိက္ခာပုဒ်၂၂၇ သွယ်ထဲမှာပါတဲ့ ဒုက္ကဋ္ဌ အာပတ်သင့်တဲ့အကြောင်း စသဖြင့် ထုတ်ဖော်ပြောဆိုထားကြပြီလည်း ဖြစ်ပါတယ်။ဒါပေမဲ့ ဦးဝီရသူ ကိုယ်တိုင်ကတော့ သူ့အနေနဲ့ အဲဒီထက် ပြင်းထန်တဲ့စကားလုံး ရှိရင်တောင် ပြောချင်တဲ့အကြောင်း ဆိုလိုက်ပြီး သူပြောခဲ့တာ မှန်တယ်လို့ ကာကွယ်လိုက်ပါ သေးတယ်။

ဦးဝီရသူဟာ ရိုးရိုးရဟန်း တစ်ပါးမဟုတ်ဘဲ မဘသ ခေါင်းဆောင်သံဃာလည်း ဖြစ်တဲ့အတွက် ဒီပြောဆိုချက်တွေဟာ မဘသ အဖွဲ့ကြီးကိုလည်း ထိခိုက်မှာ အသေအချာပါပဲ။ အခုဆိုရင် အဲဒီသတင်း နိုင်ငံတကာသတင်း စာမျက်နှာတွေမှာ ပျံ့နှံ့နေပြီမို့ မဘသဆိုတဲ့ အဖွဲ့ကြီးရဲ့ပုံရိပ်၊ မြန်မာနိုင်ငံက ဗုဒ္ဓဘာသာရဲ့ ပုံရိပ်၊ ရဟန်းသံဃာတွေရဲ့ ပုံရိပ်ကို စွန်းထင်းစေခဲ့ပါပြီ။ ကယ်တော့ အခုလို ရင့်သီးတဲ့ အသုံးအနှုန်းနဲ့ ဆဲရေးမှု မလုပ်ခင်ကတည်းက ဦးဝီရသူဟာအမုန်းတရား ဖြန့်ဖြူးနေသူပါ။ သူ့ကိုယ်ပိုင် Facebook စာမျက်နှာကနေ အစ္စလာမ်ဘာသာဝင်တွေ ကျူးလွန်တယ်ဆိုတဲ့၊ တချို့စွပ်စွဲခံရတဲ့ အမှုတွေကို လိုက်လံစုံစမ်းဖော်ပြပြီး မွတ်စလင်တွေကို မုန်းတီးစိတ် ဖြစ်ပေါ်စေအောင် ဝါဒဖြန့်နေသူ ဖြစ်ပါတယ်။

ပြီးခဲ့တဲ့ မန္တလေးမြို့ အဓိကရုဏ်းဟာလည်း တမင်လုပ်ကြံဖန်တီးလို့ ဖြစ်ခဲ့ရတာဆိုပြီး မန္တလေးမြို့ခံတွေက ယုံကြည်ကြပါတယ်။ အဲဒီ ပဋိပက္ခရဲ့ အစဖြစ်တဲ့ လက်ဖက်ရည်ဆိုင်ပိုင်ရှင် ညီအစ်ကိုနှစ်ယောက်က မုဒိန်းကျင့်ပါတယ်ဆိုပြီး ပျဉ်းမနားမှာ အမှုဖွင့်ထားတယ်ဆိုတဲ့ လူမသိသူမသိ ကိစ္စတစ်ခုကို အရှင်ဝီရသူက ပျဉ်းမနားမဘသအဖွဲ့ကိုစုံစမ်းခိုင်း၊အမှုနံပါတ်ရတဲ့အခါ Facebook ထဲကနေ ဖော်ပြပြီး၊ တကယ်ပဲ အဲဒီညီအစ်ကိုနှစ်ယောက်က မုဒိန်းမှု ကျူးလွန်ခဲ့ သယောင်ရေးသား၊ာသာရေး မုန်းတီးမှုတွေ ဖြစ်အောင်စနစ်တကျ လှုံ့ဆော်ခဲ့သူလည်း ဖြစ်ပါတယ်။ နောက်ပိုင်း တကယ်ပဲ မန္တလေးမှာ ဘာသာရေး လူမျိုးရေးဆန်တဲ့ အကြမ်းဖက်မှုဖြစ်ပွားပြီးလူနှစ်ယောက် အသက်ဆုံးရှုံးခဲ့ရပါတယ်။

အရှင်ဝီရသူရဲ့အဲဒီအမုန်းတရား ဖြန့်ဖြူးမှုလုပ်တာ၊အကြမ်းဖက်ဖို့လှုံ့ဆော်တာတွေကို Facebook စာမျက်နှာတွေမှာ တင်မက သတင်းစာ ဂျာနယ်တွေရဲ့ တရားဝင် စာမျက်နှာတွေမှာလည်း ဖော်ပြခဲ့ပါတယ်။ ဒါပေမဲ့ အာဏာပိုင်တွေဟာ အခြားသူတွေကို ဖမ်းဆီးထောင်ချတာတွေ လုပ်ခဲ့ပေမယ့် ဦးဝီရသူကိုတော့ တစ်စုံတစ်ရာစုံစမ်းမေး မြန်းတာမျိုးတောင် မလုပ်ခဲ့ပါဘူး။ အခုဆိုရင် နောက်တစ်ဆင့်တက်ပြီး ကမ္ဘာ့ကုလသမဂ္ဂလို အဖွဲ့ကြီးရဲ့ဂုဏ်သရေရှိ ပုဂ္ဂိုလ်ကိုတောင် ကမ္ဘာသိ ဆဲပြခဲ့ပါပြီ။

ဒါနဲ့ပတ်သက်ပြီး မေးစရာရှိတာက မြန်မာနိုင်ငံက သံဃအဖွဲ့အစည်းတွေဟာ ဒီလိုအပြုအမူမျိုးကို ခွင့်ပြုထားသလား ဆိုတာပါ။သာသနာရေး ဝန်ကြီးဌာန တာဝန်ရှိသူ တစ်ယောက်ကတော့ ဒါမျိုးလာတိုင်ရင် အရေးယူမယ်ဆိုတဲ့ သဘောနဲ့ ပြဿနာကို ရှောင်လွှဲသွားတာ တွေ့ရပါတယ်။ တကယ်တော့ ဦးဝီရသူရဲ့ ဟောပြောချက် ဗီဒီယိုဖိုင် အင်တာနက် စာမျက်နှာတွေထက်မှာ အလွန့်အလွန်ပျံ့နှံ့သွားပြီမို့ အာဏာပိုင် တွေသိရှိပြီးကြပါပြီ။

အမုန်းတရား ဖြန့်ဖြူးနေတာနဲ့ ပတ်သက်ပြီး သက်ဆိုင်ရာ ပြည်ထဲရေးဝန်ကြီးဌာန လိုမျိုးက အရေးမယူတာကိုလည်း စဉ်းစားဖို့ ကောင်းပါတယ်။ သာမန် ပြည်သူတွေ အနေနဲ့ကြည့်ရင်တောင် ဦးဝီရသူဟာ ဒေါ် အောင်ဆန်းစုကြည်ကို ဆန့်ကျင်သူ၊ အင်န်အယ်လ်ဒီအဖွဲ့ကို ဆန့်ကျင်သူဖြစ်ကြောင်း သိကြပါတယ်။ အခုဆန္ဒပြပွဲ ပြောဆိုချက်မှာလည်း ဒေါ်အောင်ဆန်းစုကြည်ကိုရည်ရွယ်ပြီးရုန့်ရင်းကြမ်းတမ်းစွာ ပြောထားတာမျိုး တွေ့နိုင်ပါတယ်။ ဦးဝီရသူအနေနဲ့ ဒေါ်အောင်ဆန်းစုကြည်နဲ့ အင်န်အယ်လ်ဒီကို ဆန့်ကျင်သူမို့လို့ ပြည်ထဲရေး ဝန်ကြီးဌာန အနေနဲ့ အမုန်းတရား ဖြန့်ဖြူးနေတာတွေကို ခုလိုပဲ လျစ်လျူရှုထားဦးမယ်ဆိုရင် နောင်ပိုပြီးဆိုးရွားတဲ့ ဘာသာရေး လူမျိုးရေးဆိုင်ရာ အကြမ်းဖက်မှုတွေ ပေါ်ပေါက်လာစရာရှိပါကြောင်း၊ဗုဒ္ဓဘာသာ ပုံရိပ်လည်း ဒီထက်ညှိုးနွမ်းဂုဏ်မဲ့စရာ ရှိပါကြောင်း သုံးသပ်တင်ပြလိုက်ရပါတယ်။

Wednesday, January 21, 2015

ကမ္ဘာ္ဘမကြေဘူး´သီချင်းကပျံ့လွင့်လို့ပေါ့.........

''ကျောင်းသားသပိတ်စစ်ကြောင်းကို မြို့အ၀င်မှာ ဆင်အကနဲ့ ကြို''

ကျွန်တော်တို့သပိတ်မှောက်ကျောင်းသားတွေပလိပ်မြို့ထဲစဝင်တော့အိမ်တိုင်းကပြည်သူတွေက
ထွက်ကြည့်အားပေးကြပါတယ်။
တချို့ကရေဒီယိုသတင်းတွေနားထောင်ထားလို့ ကျောင်းသားသပိတ်အကြောင်းသိပြီးဖြစ်ပေမယ့် တချို့ကဘာကြောင့်သပိတ်မှောက်တာလဲဆိုတာကျောင်းသားတွေကိုလိုက်မေးနေပါတယ်။

ကျွန်တော်တို့ဘာကြောင့်သပိတ်မှောက်ရတယ် ဆိုတဲ့အကြောင်းလမ်းတလျှောက်ရှင်းလင်းတင်ပြခဲ့ကြရာမှာ ပလိပ်မြို့အမှတ်(၁)အခြေခံပညာအထက်တန်းကျောင်းတခုရဲ့ ရှေ့မှာကျောင်းသားအငယ်လေးတွေကို သပိတ်မှောက်ရခြင်းအကြောင်းရှင်းလင်းပြောကြားခဲ့ကြပါတယ်။

ကျွန်တော်တို့ဟာနောင်မျိုးဆက်ကောင်းစားရေးနဲ့ ကမ္ဘာ့အလည်မှာပညာတတ်တဲ့နိုင်ငံ၊ ပညာရှိလူမျိုးများအဖြစ်ဝံ့ထည်စွာရပ်တည်နိုင်ရေးအတွက်လမ်းပေါ်တက်ချီတက်သပိတ်မှောက်ရခြင်းဖြစ်ကြောင်း ပြောကြားအပြီးမှာပဲ ပလိပ်မြို့အထက(၁)ကျောင်းရှေ့မှာ ငှက်ပျောသီးကော်ပြန့်ရောင်းနေတဲ့ဈေးသည်အဒေါ်ကြီးဟာ ဈေးဗန်းလေးချပြီးကျွန်တော်ပြောသမျှကိုနားစိုက်ထောင်နေရင်းနဲ့စကားလဲဆုံးရော ရှေ့ချထားတဲ့ဈေးဗန်းကိုရုတ်တရက်ကောက်မပြီး ကျွန်တော်တို့သပိတ်မှောက်ကျောင်းသားအုပ်ထဲကိုပြေးဝင်လာပါတယ်။

ပြီးတော့သူ့ဈေးဗန်းထဲကငှက်ပျောကော်ပြန့်ကြော်များကို ကျောင်းသားတွေကိုတယောက်ပြီးတယောက်အတင်းလိုက်ကျွေးပါတော့တယ်။ ကျောင်းသားတွေကလဲဈေးသည်အဒေါ်ကြီးရဲ့နွမ်းပါးတဲ့ပုံစံနဲ့ ဈေးရောင်းနေရင်းတန်းလန်းနဲ့ထလာပြီးလိုက်ကျွေးနေတာဖြစ်လို့ မယူရက်ကြပဲအတင်းငြင်းဆန်ကြပါတယ်။ ဒါပေမယ့်ကျောင်းသားတွေမယူမချင်း ဇွဲနပဲနဲ့သနားစဖွယ်လိုက်လံကျွေးနေတာမြင်တော့ကျွန်တော်လဲ ကျောင်းသားတွေကိုတယောက်တခုတော့ယူလိုက်ကြပါကွာ လို့ဝင်ပြောပေးပြီးကိုယ်တိုင်လဲတခုယူစားလိုက်ပါတယ်။ ဒီတော့မှပြုံးပြုံးရွှင်ရွှင်နဲ့လမ်းဆက်လျှောက်သွားတဲ့ကျွန်တော်တို့ကိုမျက်ရည်တွေဝဲရင်းလက်ပြကျန်ရစ်ခဲ့ပါတယ်။

ဒါကတော့ဒီနေ့သပိတ်မှောက်စစ်ကြောင်းရဲ့ ဒုတိယနေ့မှာကြုံတွေ့ခဲ့ရတဲ့အတွေ့အကြုံတစ်ခုပါပဲ။

ကျွန်တော်တို့သပိတ်မှောက်ကျောင်းသားများဟာလဲပြည်သူတွေရဲ့မေတ္တာစေတနာကိုမျက်မြင်တွေ့လိုက်ရတဲ့အတွက်မျက်ရည်လည်တဲ့အထိခံစားမိပါတယ်။

"မနေ့ကမန္တလေးအိမ်တော်ရာဘုရားကစတင်လမ်းလျှောက်လာတဲ့ကျွန်တော်တို့သပိတ်စစ်ကြောင်းဟာရပ်ကွက်တစ်ခုကိုအဖြတ်မှာလမ်းဘေးမှာရပ်ကြည့်နေတဲ့အဖြူအစိမ်းဝတ်ဆရာမကြီးတစ်ဦးဟာကျွန်တော်တို့သပိတ်မှောက်စစ်ကြောင်းက ကျောင်းသားတွေကိုကြည့်ပြီးရှိုက်ကြီးတငင်ငိုကြွေးပါတော့တယ်"

သပိတ်တပ်ရဲ့အနောက်မှာပါလာတဲ့ကားပေါ်ကဆောင်းဘောက်စ်တွေထဲကလဲ`ကမ္ဘာ္ဘမကြေဘူး´သီချင်းကပျံ့လွင့်လို့ပေါ့.........

(ဒီပုံတွေကအကြော်သည်အဒေါ်ကြီးအတင်းလိုက်ပေးလို့ကျောင်းသားတွေယူနေတဲ့အချိန်ကျွန်တော်ရိုက်ယူထားလိုက်တာပါ)
မင်းသွေးသစ်
ဗကသများအဖွဲ့ချုပ်
ဒီမိုကရေစီပညာရေးသပိတ်မှောက်စစ်ကြောင်း

 

Saturday, January 17, 2015

ရန်ကုန်မြို့လယ်တွင် ဗကသကျောင်းသားများ ရိုက်နှက်ခံရ

ဒီဗွီဘီ၊ 17 January 2015

ရန်ကုန်မြို့ ၄၁ လမ်းမှာ ဇန်န၀ါရီလ ၁၆ ရက်နေ့ ညသန်းခေါင်ကျော်က တက္ကသိုလ်ကျောင်းသား ၅ ဦးကို အမည်မသိလူတချို့က ၀ိုင်းဝန်း ရိုက်နှက်ခဲ့တဲ့အတွက် ကျောင်းသား ၁ ဦး ဦးခေါင်းပေါက်ကွဲ ဒဏ်ရာအပြင်းအထန်နဲ့ ကျန် ၄ ဦး ပွန်းပဲ့ဒဏ်ရာတွေ ရရှိခဲ့ပါတယ်။

အမျိုးသားယဉ်ကျေးမှုတက္ကသိုလ် ကျောင်းသား မောင်အောင်သောင်းဦးရဲ့ ဦးခေါင်း ပေါက်ကွဲဒဏ်ရာကို အခင်းဖြစ်ပြီး နာရီပိုင်းအတွင်းမှာပဲ အရှေ့ပိုင်းဆေးရုံကို ပို့ဆောင်ခဲ့ပေမယ့် ဒဏ်ရာပြင်းထန်တဲ့အတွက် ရန်ကုန်ပြည်သူ့ဆေးရုံကြီးကို ညတွင်းချင်း လွှဲပြောင်းပေးလိုက်တယ်လို့ သူငယ်ချင်းတွေက ပြောပါတယ်။

ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ် (ဗကသ) အဖွဲ့ဝင် ကျောင်းသား ၅ ဦးဟာ ၃၈ လမ်းမှာ ရှိတဲ့ ဗကသရုံးက အပြန် ၄၁ လမ်း အလယ်ဘလောက် အရောက်မှာ လူအုပ်စု အယောက် ၂၀ လောက်က ၀ိုင်းရိုက်နှက်ပြီး ထွက်ပြေးသွားကြတာလို့ ကာယကံရှင် ကျောင်းသားတွေက ပြောပါတယ်။

ဒီအမှုကိစ္စကို စုံစမ်းစစ်ဆေးပြီး ကာယကံရှင်ကို ဖော်ထုတ်ပေးဖို့ ဗိုလ်တထောင် ရဲစခန်းမှာ အမှုဖွင့်ထားတယ်လို့ ကာယကံရှင် ကျောင်းသားတွေက ပြောပါတယ်။

Wednesday, January 14, 2015

ဆရာ မောင်စွမ်းရည် ၏ စစ်သားနဲ့ နိုင်ငံရေး – #ဖတ်သင့်သောစာပါ ။ #soldiers and #politic January 14, 2015


Myo Yan Naung Thein
ဆရာ မောင်စွမ်းရည် ၏ စစ်သားနဲ့ နိုင်ငံရေး – ဖတ်သင့်သောစာပါ ။
စစ်သားနဲ့ နိုင်ငံရေးလို့ ခေါင်းစဉ်တပ်လိုက်ပေမယ့် စစ်တပ်နဲ့ နိုင်ငံရေးလို့ အဓိပ္ပာယ်ကောက်ချင်လည်း ရပါတယ်။ “စစ်သား” ဆိုတာက “စစ်တပ်” ဆိုတဲ့ အဖွဲ့အစုထဲမှာမှာပါတဲ့ စစ်မှုထမ်းတဦးချင်းကို ပြောလိုတာပါ။ စစ်မှုထမ်းဆိုရာမှာလည်း စစ်သား၊ စစ်ဗိုလ်၊ စစ်ဗိုလ်ချုပ် စတဲ့ စစ်မှုထမ်းတွေကို ဆိုလိုတာပါ။ ဒီလိုဆိုပြန်တော့ စစ်ဗိုလ်ချုပ်ဆိုတဲ့ အရာရှိတွေက သူတို့ကို စစ်သားတွေနဲ့ ရောနှောပြောတာ ကြိုက်မှာမဟုတ်ပါ။ သူတို့က စစ်သားဆိုတာ စစ်တပ်ရဲ့ “အစေခံ”၊ “အသေခံ” လို့သာ မှတ်ယူလေ့ရှိပါတယ်။ ဒါကလည်း အင်္ဂလိပ်နဲ့ ဂျပန်နယ်ချဲ့နဲ့ ဖက်ဆစ်တို့ဆီက အမွေခံစိတ်ဓာတ်တွေ ဖြစ်ပုံရပါတယ်။ ဗိုလ်ချုပ်အောင်ဆန်းကတော့ စစ်ဗိုလ်၊ စစ်သား မခွဲခြားတဲ့ တိုက်ဖော်တိုက်ဖက်၊ ရဲဘော်ရဲဘက် စိတ်ဓာတ်ကို အခြေခံပြီး စစ်တပ်ဖွဲ့ခဲ့ပေမယ့် သိတဲ့အတိုင်း။
10520641_401387010039494_4351066252459982545_n10402524_401387690039426_5956513639074462854_n10931324_401387363372792_3491008244412381317_n

စစ်သားဆိုတာ နိုင်ငံသားတဦးပဲဖြစ်ပါတယ်။ အိမ်သားတိုင်း အိမ်တလုံးရဲ့ ကိစ္စမှာ သက်ဆိုင်သလိုပါပဲ။ ကျောင်းသား၊ ဈေးသား၊ အလုပ်သမား၊ လယ်သမား၊ စစ်သား အားလုံးဟာ နိုင်ငံသားတွေဖြစ်ကြတဲ့အတိုင်း နိုင်ငံရေးကို စိတ်ဝင်စားကြရမှာပါပဲ။ နိုင်ငံရေးကို စိတ်ဝင်စားပြီး ဒါဟာ ငါတို့အရေး၊ နိုင်ငံသားတိုင်းရဲ့ အရေးဆိုတဲ့ အသိနဲ့ အဆုံးအဖြတ်ပေးကြရတဲ့အခါ မှန်ကန်တဲ့ အဆုံးအဖြတ်ကို ပေးနိုင်ပါတယ်။ စစ်သားဟာ စစ်တပ်အဖွဲ့ဝင်ဖြစ်လို့ စစ်စည်းကမ်း၊ စစ်ဥပဒေကို လိုက်နာရမှာတပိုင်းပါ။ စစ်ဆင်ရေးတရပ်နဲ့ပဲ ဆိုင်ပါတယ်။ မလိုက်နာရင် စစ်ရှုံးမှာပေါ့။ ဒါက အဖွဲ့အစည်းသဘောပါ။ ကျောင်းသားက ကျောင်းစည်းကမ်း၊ အလုပ်သမားက အလုပ်ရုံစည်းကမ်း၊ သံဃာက သံဃာ့ဝိနည်း စသဖြင့် ဆိုင်ရာ အဖွဲ့အစည်းရဲ့စည်းကမ်းတွေကို လိုက်နာကြရမြဲပါ။ ဒါပေမယ့် သူတို့အားလုံးဟာ နိုင်ငံထဲမှာ နေကြလို့ နိုင်ငံရဲ့အရေးကို စိတ်ဝင်းစားကြရမှာပါ။ ဒါကြောင့် စစ်သားလည်း နိုင်ငံရေးကို မျက်ခြည်မပြတ် သိရှိနေရမှာပါ။ ဒါမှာသာ နိုင်ငံတနိုင်ငံလုံး ကိစ္စအတွက် အဆုံးအဖြတ်ပေးကြရတဲ့အခါ မှန်ကန်မှာပါ။ ဥပမာ မဲပေးဖို့ကိစ္စ။ လူတဦးကို တမဲသာပေးခွင့်ရှိပေမယ့် ဒီ “တမဲ” တွေကပဲ နိုင်ငံရဲ့ ကံကြမ္မာကို အဆုံးဖြတ်ပေးသွားမှာ မဟုတ်လား။ ဒီမိုကရေစီနိုင်ငံအတွက် မဲတမဲဟာ အရေးကြီးပါတယ်။ ပုဂ္ဂိုလ်စွဲ၊ ပါတီစွဲ၊ လူမျိုးစွဲ၊ ဘာသာစွဲတွေနဲ့ ကြည့်ပြီးဆုံးဖြတ်ရင် တိုင်းပြည် ငါးပါးမှောက်မှာပါ။ စစ်သားဟာ စစ်စည်းကမ်း လိုက်နာရုံနဲ့ စစ်သားဖြစ်ပြီလို့ သဘောထားလို့မရပါ။ အဲဒါက ကျွန်စိတ်ပါ။ သာမန်အချိန်မှာတော့ ဒီလိုပဲ စစ်စည်းကမ်းနဲ့ပဲ မှေးပြီး နေလို့ရပါတယ်။ သူ့တာဝန်က နိုင်ငံတော်ကပေးတဲ့ တာဝန်ဖြစ်တဲ့ နိုင်ငံတော်ကာကွယ်ရေးသာ အဓိကပါ။
စစ်သားက စစ်တပ်ရဲ့ စည်းကမ်းဥပဒေလိုက်နာရသလို စစ်တပ်ဟာလည်း နိုင်ငံတော်ရဲ့ ဥပဒေကို လိုက်နာရပါတယ်။ နိုင်ငံတော်ရဲ့ ဥပဒေက အထက်ကပါ။ အစိုးရအဖွဲ့အစည်းက အထက်ကပါ။ စစ်တပ်ဟာ အစိုးရအဖွဲ့အစည်းခိုင်းတာ လုပ်ရမှာဖြစ်ပြီး စစ်တပ်က အစိုးရအဖွဲ့အစည်းကို ခိုင်းဖို့မဟုတ်ပါ။ နိုင်ငံရဲ့ အန္တရာယ်ကာကွယ်တယ်ဆိုတဲ့ကိစ္စက နယ်ချဲ့အန္တရာယ်၊ ဖက်ဆစ်အန္တရာယ်၊ ကျူးကျော်သူအန္တရာယ်၊ သူပုန်အန္တရာယ်လိုဟာမျိုးပါ။ တရုတ်ဖြူကျူးကျော်မှုလို၊ ဘိန်းဘုရင်လွှမ်းမိုးမှုလိုကိစ္စတွေကို ကာကွယ်ရမှာပါ။ ကျောင်းသား၊ အလုပ်သမား၊ လယ်သမားအစ သံဃာအဆုံး (လက်နက်မဲ့) ဥပဒေဘောင်အတွင်းက ဆန္ဒပြတောင်းဆိုတာမျိုးကို “တပ်မတော်က ကယ်တင်တယ်” ဆိုပြီး နှစ်ပေါင်း သုံးလေးဆယ် “ကယ်တင်” နေတာမျိုးဟာ စစ်တပ်တာဝန်မဟုတ်ပါ။ ဒီလို ပိုင်းခြားသိဖို့ဆိုတာလည်း နိုင်ငံရေးအသိထဲမှာ ပါဝင်ပါတယ်။ ဥပဒေတွင်းမှာ လက်နက်မဲ့ဆန္ဒပြတာ လူ့အခွင့်အရေးပါပဲ။ စစ်သားဟာ နိုင်ငံရေးအသိရှိရပါမယ်။
နိုင်ငံရေးအသိဆိုရာမှာ တနိုင်ငံလုံးရဲ့ နေ့စဉ်အခြေအနေနဲ့ မျက်မှောက်ခေတ်တခုလုံးကို ခြုံပြီး ဖော်ပြတဲ့ အခြေအနေတွေကို သိဖို့ရယ်၊ နောက်တပိုင်းကတော့ တရုတ်၊ ရုရှ၊ ဥရောပ၊ အာရှ၊ အရှေ့တောင်အာရှ၊ အရှေ့အလယ်ပိုင်း စတဲ့ဒေသဆိုင်ရာ နိုင်ငံရေးတွေရယ် မျက်ခြည်မပြတ် သိနေဖို့ လိုပါတယ်။ (ဒါတွေကို သေချာနားလည်သဘောပေါက်ဖို့ ပထ၀ီနဲ့ သမိုင်းလည်း နောက်ခံပြုဖို့ လေ့လာရပါတယ်။ ဒါထက်မြင့်ပြီး လေ့လာချင်ရင် ဆိုရှယ်လစ်ဝါဒ၊ ကွန်မြူနစ်ဝါဒ၊ အရှင်းရှင်ဝါဒ၊ အမျိုးသားရေးဝါဒ စတဲ့ နိုင်ငံရေးဝါဒတွေကိုလည်း အနည်းအကျဉ်း သိရပါအုံးမယ်။
ဗမာ့တပ်မတော်ဟာ ဖက်ဆစ်တော်လှန်ရေးကာလမှာ ပေါက်ဖွားလာခဲ့ပါတယ်။ တပ်မတော်ရယ်လို့ မဖွဲ့ခင်ကတည်းက နိုင်ငံရေးသဘောတရားသင်တန်းတွေကို ပေးထားပါတယ်။ တော်လှန်ရေးလုပ်တော့ တိုင်းအလိုက် “စစ်ရေးတာဝန်ခံတဦး” နဲ့အတူ “နိုင်ငံရေးတာဝန်ခံတဦး” စီတွဲပြီး တာဝန်ယူရပါတယ်။ ရဲဘော်သုံးကျိပ်ဝင်တွေက စစ်ပညာသင်ပေးပြီး ကွန်မြူနစ်တွေက နိုင်ငံရေးသဘောတရားတွေ ပို့ချပေးပါတယ်။ ပြည်ပ (အိန္ဒိယမှာ ကွန်မြူနစ် သခင်သိန်းဖေ- ဦးသိန်းဖေမြင့်) က နိုင်ငံရေးသင်တန်းပေးပြီး မဟာမိတ်စစ်တပ်က အမေရိကန်၊ အင်္ဂလိပ်စစ်ဗိုလ်တွေက စစ်သင်တန်းပေးခဲ့ပါတယ်။ အဲဒီအချိန် စစ်တပ်မှာ ပို့ချတဲ့ နိုင်ငံရေး တပါတီ နိုင်ငံရေးမဟုတ်ပါဘူး။ မြန်မာ့မျက်မှောက်နိုင်ငံရေးအခြေအနေ၊ ကမ္ဘာနိုင်ငံရေးအခြေအနေနဲ့ ဖက်ဆစ်ဝါဒသရုပ်၊ နယ်ချဲ့အရင်းရှင်ဝါဒသရုပ်တွေ ဖြစ်ပါတယ်။ မဆလ ဆိုရှယ်လစ်အတု ခေတ်မှာတောင် နိုင်ငံရေးတက္ကသိုလ်လို၊ ဖောင်ကြီးသင်တန်းလိုဟာတွေနဲ့ စစ်မှုထမ်း အပါအ၀င် ၀န်ထမ်းတွေကို နိုင်ငံရေးသိပ္ပံပညာတွေ ပို့ချပေးခဲ့ပါသေးတယ်။ ပညာရေးတက္ကသိုလ် ဆရာအတတ်သင်ကျောင်းတွေနဲ့ တက္ကသိုလ်အသီးသီးမှာတောင် နိုင်ငံရေးသိပ္ပံဌာနတွေ ရှိခဲ့ပါတယ်။ အဲဒီတုန်းက နိုင်ငံတကာရေးရာ စာစောင်ဟာ အတော်ကောင်းပါတယ်။ နိုင်ငံရေးသိပ္ပံဆိုတဲ့ စာအုပ်ပြာလေးလည်း (ဘာသာပြန်) ထုတ်ခဲ့ဖူးပါတယ်။ လူတိုင်း ဖတ်သင့်တာတွေပါ။ စစ်တပ်တွေမှာလည်း စာဖတ်ခန်း၊ စာကြည့်တိုက်တွေ ရှိပါတယ်။ အစဉ်အလာပါ။
ဗိုလ်ချုပ်အောင်ဆန်းက စစ်တပ်က နိုင်ငံရေးလုပ်တာကို မလိုလားခဲ့ပါ။ သူကိုယ်တိုင် စစ်တပ်ရဲ့ အမြင့်ဆုံးရာထူးကို စွန့်လွှတ်ပြီးမှ နိုင်ငံရေးလုပ်ပါတယ်။ နမူနာပြခဲ့ပါတယ်။ သူဖယ်ပေးပြီးနောက် စစ်တပ်ထဲက ပါတီနိုင်ငံရေးသမားတွေက ခြေပုန်းခုတ်ပြီး စစ်တပ်အကြီးအကဲ ရာထူးကို လုခဲ့ကြပါတယ်။ စစ်သားတယောက်ဟာ သူ့ဘာသာ နိုင်ငံရေးခံယူချက် ကိုယ်ပိုင်ရှိနိုင်ပေမယ့် နိုင်ငံရေးပါတီတွေရဲ့ အာဏာလုရေးကိစ္စကို စစ်တပ်ထဲကို သွင်းမလာရပါဘူး။ လွတ်လပ်ရေး ရစကတည်းက ဗိုလ်ချုပ်အောင်ဆန်းရဲ့စကားကို နားမထောင်ဘဲ စစ်တပ်ထဲမှာ နိုင်ငံရေးလုပ်လို့ စစ်အာဏာရှင်စနစ်ကြီး ပေါ်ပေါက်လာခဲ့တဲ့အတွက် စစ်တပ်က အစိုးရဖြစ်ပြီး ဥပဒေရဲ့ အထက်က ရောက်သွားခဲ့ပါတယ်။ တည်ဆဲဥပဒေဆိုတဲ့ စကားကို တွင်တွင်သုံးပြီး အခြေခံဥပဒေကိုတော့ အကြိမ်ကြိမ် ချိုးဖောက်ဖျက်ဆီးခဲ့ပါတယ်။ နိဂုံးချုပ်ရရင် စစ်တပ်က နိုင်ငံရေးမလုပ်ရဘူး။ အစိုးရမလုပ်ရဘူး။ အစိုးရပေးတဲ့တာဝန်ကို စစ်တပ်က လုပ်ရမယ်။ စစ်သားက နိုင်ငံရေးအသိရှိရမယ်။ နိုင်ငံရေးအသိ မြင့်မားလေ ကောင်းလေပါပဲ။
နိုင်ငံရေးပါတီတခုခုမှာ ၀င်ထားသည့်တိုင်အောင် ပါတီကိစ္စတွေကို စစ်တပ်ထဲ ဆွဲသွင်းမလာရပါ။ ပါတီကိစ္စလုပ်ချင်ရင် စစ်တပ်က ထွက်ရပါမယ်။ သို့မဟုတ် ခုလို နိုင်ငံရေးလုပ်စားပြီး စစ်တပ်သမိုင်းကို အိုးမဲသုတ်ခဲ့တဲ့ သန်းကြွယ်သူဌေး ဗိုလ်ချုပ်တွေကို စစ်သားတွေက ဖယ်ရှားပစ်ရပါမယ်။ နာမည်ပျက်စစ်တပ်ထဲမှာ စစ်ကျွန်ဘ၀နဲ့ နေကြရပါတကားဆိုတာကို “နိုင်ငံရေးအသိ” က နားလည်စေပါလိမ့်မယ်။ ဒါကြောင့် စစ်သားတိုင်း ပြည်သူနဲ့ ခံစားမှုတူအောင် နိုင်ငံရေးအသိနဲ့ ချင့်ချိန်နိုင်ဖို့ လိုအပ်ပါတယ်။ တပ်နဲ့ပြည်သူ ကြည်ဖြူရပါမယ်။ ပြည်သူ့မျက်နှာ၊ အခြေခံဥပဒေရဲ့မျက်နှာ (ကိုယ့်ဘာသာရေးဆွဲတဲ့ ဥပဒေမဟုတ်ရပါ) ကို ကြည့်ရပါမယ်။ အာဏာလိုချင်

Thursday, January 1, 2015

 

 

မန္တလေး၊ ဇန်န၀ါရီ ၁။

လက်ပတောင်းတောင် ကြေးနီစီမံကိန်းတိုးချဲ.မှုတွင် လုံခြုံရေးအဖွဲ.များ၏ ပစ်ခတ်မှုကြောင့် ဒေသခံတစ်ဦးသေဆုံးခဲ့သည်ကိုမကျေနပ်သော ဆန္ဒပြပွဲများ ဆက်တိုက်ပေါ်ပေါက်နေရာ စီမံကိန်းရပ်ဆိုင်းရေးတောင်းဆိုချက်များအပြင် ဆန္ဒပြသမားများက သမ္မတဦးသိန်းစိန်၏ အစိုးရအားဖြုတ်ချရန် ယနေ့မန္တလေးတွင်ပြုလုပ်သော ဆန္ဒပြပွဲတွင်ကြွေးကြော်ခဲ့ကြသည်။

၂၀၀၇ ရွှေဝါရောင်တော်လှန်ရေးတွင်ပါဝင်ခဲ့သော သံဃာတော်အချို. အပါအ၀င် လူအင်အား ၁၀၀၀ နီးပါးခန့်က မန္တလေး ၃၅ လမ်းထောင့်ရှိ မြတောင်ဘုန်းကြီး ကျောင်းအနီးမှ နေ့လည် ၁ နာရီတွင် စတင်လမ်းလျှောက်ချီတက်ခဲ့ပြီး မြို.ကိုပတ်ကာ ကြေးနီစီမံကိန်းရပ်ဆိုင်းရေးနှင့် လက်ပတောင်းတောင် ဒေသတွင် မြေယာသိမ်းဆည်းခြင်း ခံခဲ့ရသော တောင်သူလယ်သမားတို့၏ နစ်နာမှုများအား ဖြေရှင်းပေးရန် အစိုးရကို တောင်းဆိုခဲ့ကြသည်။

ဆန္ဒပြသူတို့က လက်ပတောင်းအရေးဖြေရှင်းရေး နှင့် ကြေးနီစီမံကိန်းလုပ်ကိုင်နေသော တရုတ်နိုင်ငံပိုင် ၀မ်ပေါင်ကုမ္ဗဏီနှင့် စစ်တပ်ပိုင် မြန်မာ့စီးပွားရေး ဦးပိုင်လီမိတက်တို့အား အလိုမရှိဆန္ဒဖော်ထုတ်ခဲ့ကြသည့်အပြင် လက်ရှိအစိုးရဦးသိန်းစိန်အားဖြုတ်ချရန်လည်း ဟစ်ကြွေးခဲ့ကြသည်။

“လူသတ်အစိုးရ အလိုမရှိ” ၊ “လယ်သမားရန်သူ တို့ရန်သူ” အစရှိသော ကြွေးကြော်ချက်များကို ဟစ်ကြွေးရာ မြို.ခံပရိတ်သတ်က လက်ခုပ်သြဘာတီး၍ အားပေးခဲ့သည်။

ဗြိတိသျှကိုလိုနီခေတ်တွင် တောင်သူလယ်သမားအရေးပုန်ကန်ခဲ့မှုကြောင့် ကွပ်မျက်ခံခဲ့ရသော ဆရာစံပုံပါသည့် ဗီနိုင်းအနီရောင်ပိုစတာ၊ ကြွေးကြော်ချက်များအား ရေးသားထားသည့် တော်လှန်ရေးအသွင်ဖော်ကြူးသည့် အနီရောင်နောက်ခံသုံး ရဲရဲတောက် ပိုစတာများ၊ ခွပ်ဒေါင်းအလံ နှင့် ၈၈ ငြိမ်းချမ်းရေးနှင့် ပွင့်လင်းလူ့အဖွဲ.အစည်း၏ အ၀ါရောင်နောက်ခံ ကဒေါင်းပုံပါရှိသည့် ဗီနိုင်းပိုစတာများအား ၀ါးလုံးများတွင်စွပ်၍ အလံတိုင်များသဖွယ်ပြုလုပ်ကာ ဆန္ဒပြသူတို့က မြို.ကိုပတ်၍ ဆန္ဒဖော်ထုတ်ခဲ့ကြသည်။

“ဘုန်းကြီးတို့ကတော့ ဆက်ဆန္ဒပြသွားမှာဘဲ။ အစိုးရ ဖြုတ်ချရေးဆက်တောင်း ဆိုသွားမှာဘဲ။ ဘာဖြစ်လို့လဲဆိုတော့ အစိုးကလည်း ဒီကိစ္စကိုဖြေရှင်းပေးမှာမဟုတ်ဘူး။ ဦးပိုင်ဆိုတာက စစ်တပ်လေ” ဟု ဆန္ဒပြရာတွင်ဦးဆောင်သူတစ်ဦးဖြစ်သည့် ဆရာတော်ဦးစိန္တိက ကပြောကြားသည်။

ဆန္ဒပြရာတွင် အမျိုးသမီးများ၊ ဆယ်ကျော်သက်ရွယ်အများအပြားလည်း အတူလမ်းလျှောက်ချီတက် ဆန္ဒပြသကဲ့သို့ ရာနှင့်ချီသောမြို.ခံများလည်း ဆိုင်ကယ်များဖြင့်လိုက်ပါလာပြီး ဆန္ဒပြခေါင်းဆောင်များ၏ လက်ကိုင်လော်စပီကာချဲ.စက်အသုံးပြု၍ ကြွေးကြော်ချက်များကို သံပြိုင်လိုက်ဆိုခဲ့ကြသည်။

မန္တလေးရှိ တရုတ်နိုင်ငံကောင်စစ်ဝန်ရုံးတွင် ရဲလုံခြုံရေးများချထားခဲ့ပြီး၊ ဆန္ဒပြအဖွဲ.ကလည်း ထိုနေရာသို့မသွားရောက်ဘဲ မန္တလေးဈေးချိုဘက်သို့ ဦးတည်ခဲ့သည်။

ဈေးချိုးဂုံးကျော်တံတားအော်သို့ အရောက်တွင် ဆန္ဒပြအဖွဲ.ခေါင်းဆောင်တစ်ဦးဖြစ်သူ ကိုသိန်းမြင့်အောင်က မြန်မာနိုင်ငံတွင် ရင်ဆိုင်နေရသည့် ဖွဲ.စည်းပုံ အခြေခံဥပဒေပြင်ဆင်ရေးအခြေအနေနှင့် တခြားအရေးကြီးသည့် လက်ပတောင်းတောင်ကဲ့သို့ကိစ္စရပ်များအား လူမျိုးရေးဘာသာရေးကိစ္စများဖြင့် ပြည်သူလူထုအားေ၀၀ါးစေရန်ပြုလုပ်လျက်ရှိကြောင်း ပြောဆိုခဲ့သည်။

ထို့ပြင်သူက လက်ပတောင်းတောင်စီမံကိန်း၏ အကျိုးဆက်ကြောင့်ဖြစ်ပေါ်လာသည့် ပတ်ဝန်းကျင်နှင့် လူမှုရေးထိခိုက်မှုများကို လေ့လာချက်များမပြုလုပ်မီ၊ လေ့လာချက်များအား ပြည်သူလူထုသို့ပွင့်လင်းမြင်သာစွာ ချမပြမီ စီမံကိန်းရပ်ဆိုင်းရမည် ဖြစ်ကြောင်း ဆန္ဒပြသူများ၏ ကိုယ်စားကြေငြာချက် တစ်စောင်ဖတ်ပြခဲ့သည်။

ထို့နောက် ဆန္ဒပြအဖွဲ.က စတင်ချီတက်ခဲ့ရာ မြတောင်ကျောင်းတိုက်သို့ပြန်လည် လမ်းလျှောက်ပြီး ငြိမ်းချမ်းစွာလူစုခွဲခဲ့သည်။ ယခုဆန္ဒပြမှုသည် လက်ပတောင်းတောင်အရေးနှင့် ပတ်သက်၍ ယခုနှစ်တွင် ပြုလုပ်သော အကြီးမားဆုံးဆန္ဒပြမှုဖြစ်သည်။

အလားတူဆန္ဒပြမှုများ ရန်ကုန်တွင်လည်း လွန်ခဲ့သည့် တနင်္ဂနွေနှင့် ယနေ့တွင်လည်း ကျင်းပခဲ့သည်။ တနင်္ဂနွေနေ့တွင် ပြုလုပ်ခဲ့သည့် ရန်ကုန်ဆန္ဒပြမှုအား ဦးဆောင်သူများဖြစ်သည့် ဒေါ်နော်အုန်းလှ၊ ကိုနေမျိုးဇင် အပါအ၀င်နှစ်ဦးအား နိုင်ငံတော်အကြည်ညိုပျက်စေမှု၊ ၀တ္တရားနှောက်ယှက်မှု နှင့် တရားမ၀င်စီတန်းလှည့်လည်မှုတို့ဖြင့် တရားစွဲကာ အင်းစိန်ထောင်တွင် ချုပ်နှောင်ထားသည်။
##

(ဓာတ်ပုံများ။ ငြိမ်းချမ်း/Yangon Globe)