Monday, December 28, 2009

န.အ.ဖ ၏ လုပ်ကြံဇာတ်လမ်း များ

ကမ္ဘာသူ ကမ္ဘာသား အားလုံးသို့ အသိပေးတင်ပြလွှ့ာ

၂၀၀၉ ခုနှစ် ဒီဇင်ဘာလ (၁၆)ရက်၊ ၂၇၄၉ ခုနှစ် ကရင်အမျိုးသားနှစ်သစ်ကူးနေ့ကို ဖာပွန်မြို့တွင် ရိုးရာ အစဉ်အလာနှင့် အညီ စည်ကားသိုက်မြိုက်စွာဖြင့် မြို့နယ်အတွင်းရှိ ကရင်တိုင်းရင်းသားများသာ မက ရှမ်း၊ ဗမာ အစရှိသည့် တိုင်းရင်းသား အားလုံးတို့က ပူပေါင်းစည်းလုံးညီညွတ်စွာဖြင့် ကျင်းပခဲ့ပါသည်။ ထိုသို့ တိုင်းရင်းသား အားလုံးတို့က ကရင် နှစ်သစ်ကူးနေ့ကို စည်ကားသိုက်မြိုက်စွာ ကျင်းပနေချိန်တွင် ဒေသခံ တိုင်းရင်းသားများ၏ ပျော်ရွှင်မှုကို မမြင်မတွေ့ လိုသည့် KNU သောင်းကျန်းသူများက နှစ်သစ်ကူးနေ့ အခမ်းအနား ပျက်စီးအောင် တိုင်းရင်းသားပြည်သူများ သေကြေ ဒဏ်ရာရအောင် လုပ်ကြံမိုင်းခွဲခဲ့ပါသည်။

မိုင်းခွဲခဲ့မှုနှင့် ပတ်သက်၍ KNU မှ ယင်းတို့မဟုတ်ကြောင်း လိမ်ညာ ပြောဆိုခဲ့သော်လည်း မိုင်းခွဲခြင်းကို KNU တပ်မဟာ (၅) တပ်ရင်း (၁၀၂)မှ ဒုတပ်ရင်းမှူးဆိုသူ ဗိုလ်နူး၏ ညွှန်ကြားချက်အရ တပ်ရင်း(၁၀၂) ခွဲ(၄)မှ တပ်ခွဲမှူးဆိုသူ ဗိုလ်ပုလဲက ကြီးကြပ်ပြီး ဒီအို ရင်း(၁)ခွဲ(၁)မှ တပ်စုမှူးဆိုသူ ဒုဗိုလ်ဖားကွယ်ကော့(ခ) ဖားကော့ကော်၊ ဖားဒေးဒေးဝိကလို တို့သုံးဦးက ပွဲခင်းသို့ ၀င်ရောက် မိုင်းခွဲခဲ့သည်ကို မြို့လူထုမှ သေသေ ချာချာ စုံစမ်းသိရှိရပြီး ဖြစ်ပါသည်။

ထိုသို့ KNU အဖွဲ့မှ ယုတ်မာရက်စက်စွာ လူထုအား မိုင်းခွဲသတ်ဖြတ်ခဲ့သည့် ဖြစ်ရပ်ကို အောက်ဖော်ပြပါ မြို့နယ်အတွင်း နေ ပြည်သူများမှ လုံးဝ (လုံးဝ) ဆန့်ကျင်ကန့်ကွက်ပါကြောင်း ကမ္ဘာသိအောင် လက်မှတ် ရေးထိုး ကြေညာလိုက်ပါသည်-

ဖာပွန်မြို့နယ် ဒေသခံတိုင်းရင်းသားများ

၁။ ဦးသန်းထိုက် ၃/ဖပ(နိုင်) ၀၀၀၅၂၃ မဲသလွတ်

၂။ ဒေါ်သီတာ ၃/ဖပ(နိုင်) ၀၀၈၉၃၂ မဲသလွတ်

၃။ မသန္တာထွန်း မဲသလွတ်

၎။ မနှင်းနွေးလှိုင်

၅။ စိုင်းကျော်ထွန်း ၃/ဖပန(နိုင်) ၀၁၆၂၀၁

၆။ ဦးစောဝင်းထိန် ၃/ဖပန(နိုင်) ၀၀၀၉၃၂ ရပ်ကွက်(၁)

၇။ ဦးစိုင်းရွှေလှ ၃/ဖပန(နိုင်) ၀၀၀၉၁၈ မဲသလွတ်

၈။ ဦးမင်းအောင် ၃/ဖပန(နိုင်) ၀၀၁၉၇၂

၉။ ဒေါ်မြသီ ၃/ဖပန(နိုင်) ၀၀၀၉၄၅

မောင်မင်းချင်း



mail မှရရှိသောစာအားတင်ပြအပ်ပါသည်၊ Nawsae Kawhtto အမည် ဖြင့်ကျွန်တော့်ဆီ G-mail ပို့လာခဲ့ရာ

သာမန်ပြည်သူတရောက်အနေဖြင်အထူးကျေးဇူးတင်ရှိပါသည်။ သို့သော် သေသေချာချာ လေ့လာသုံးသပ်ကြည့်သောအခါ

န.အ.ဖ ၏ လှဲ့ကွက် အကြံအစည် များသာ ဖြစ်ပါကြောင်း၊ မည်သည်. ကရင်လူမျိုးမျှမိမိ ကရင် နှစ်သစ်ကူးပွဲတော်

နေ့ တွင် လုပ်ကြံမိုင်းခွဲ မည်မဟုတ် ဟု အပြည်အဝယုံကြည်မိပါသည်။ အဓိက တရားခံမှာ န.အ.ဖ သောင်းကျန်းသူ

အဖွဲ့၏ လက်ချက်သာဖြစ်ကြောင်း


မန်းဧရာ

Tuesday, November 24, 2009

ကရင်နှစ်သစ်ကူးနေ့နှင့် ရိုးရာဒုံးယိမ်းအက


နော်ချို

နိုဝင်ဘာ ၂၄၊၂၀၀၉။



ပြာသိုလဆန်း(၁) ရက်နေ့ဟာဆိုလျင် ကရင်နှစ်သစ်ကူးနေ့ဖြစ် ပါတယ်။ ကရင်နှစ်သစ်ကူးနေ့ဟာ ကရင်အမျိုးသားများ အတွက် အထွတ်အမြတ်ထားတဲ့ နေ့တနေ့ဖြစ်ပါတယ်။ နှစ်သစ် ရောက်တိုင်း ကရင်အမျိုးသားတွေဟာ မိမိတို့၏ သက်ကြီး ဝါကြီးပုဂ္ဂိုလ်များကို အလေးအမြတ်ပြု ပူဇော်ပသ ကန်တော့ ကြပါတယ်။ သက်ဆိုင်ရာဘာသာ ယုံကြည်ကိုး ကွယ်မူအလိုက် ဝတ်ပြုဆုတောင်းပွဲတွေ ပြုလုပ်ကြသလို မိမိတို့ရဲ့ ရိုးရာယဉ် ကျေးမူစာပေဓလေ့ထုံးတမ်းတွေကို ပြန်လည်ဖော်ထုတ်ကြ ပါတယ်။
ပြီးတော့ ပျော်ပွဲရွှင်ပွဲ တွေဒုံးယိမ်းအကတွေနဲ့လည်းဖြေဖျော်ပေးပါသေးတယ်။ ဒါကြောင့် နှစ်သစ်ကူးပွဲတော်မှာ ရိုးရာ ယဉ်ကျေးမူ အကတခုဖြစ်တဲ့ ဒုံးယိမ်းအကဟာ လူအများစိတ်ဝင်စားတဲ့ အကတစ်ခု ဖြစ်သလို ထူးထူးခြားခြား မြူးကြွမှု ရှိတဲ့အတွက် ကရင်လူမျိုးတွေအတွက် ဂုဏ်ယူဘွယ်ရာအကတစ်ခု လို့ဆိုယင်မမှားပါဘူး။ ချမ်းအေးတဲ့ ငွေနှင်းမှုံကြား မှာ ရွှင်မြူးတဲ့ဒုံးယိမ်းအသံတွေဟာ တကယ့်ကို ပဏာရလှပါတယ်။

ဒီနှစ်ဆိုရင် ထိုင်းမြန်မာနယ်စပ် ဘုရားသုံးဆူမြို့မှာ ကရင်နှစ်သစ်ကူးနေ့ကို စည်ကားသိုက် မြိုက်စွာနဲ့ကျင်းပ လိမ့်မယ်လို့ ပွဲဖြစ်မြောက်ကော်မတီဥက္ကဌ ဦးမြအေးကပြောပါတယ်။ ယခုကျင်းပမဲ့နှစ် သစ်ကူးပွဲမှာ ရိုးရာ ယဉ်ကျေးမူပြိုင်ပွဲဖြစ်တဲ့ ဒုံးယိမ်းအက၊ ကရင်နပန်းလုံးပွဲ၊ ကောက်သစ်စား ဖီးဘီး ရော်လက်ချည်ပွဲများအပါအဝင် ဘော်လုံးပွဲ၊ လက်ဝှေ့၊ ဇာတ်ပွဲ၊ မဲရုံထီ၊ ချောတိုင်တက် ပြိုင်ပွဲများနဲ့ ကျင်းပမှာဖြစ်ပါတယ်။ ၄င်းအပြင် ကရင့်ရိုးရာအစားအစာများကိုလည်း ကျွေးမွေး ဧည့်ခံမှာဖြစ်ပါတယ်။ လာရောက်ကကြမည့်ဒုံးများကတော့ ကရင်ပြည်နယ် ကြာအင်း ဆိပ်ကြီးမြို့နယ် နာမည်ကြီးဒုံးများ ဖြစ်တဲ့ ဖားပြကျေးရွာဒုံး၊ လာကဒါ၊ ထီးမံထို၊ ကျုံခဝန်၊ နှင့်တောင်ဒီးဒုံးတို့ဖြစ်ပါတယ်။ အခြားသော ကျေးရွာများမှ ဒုံး များ လည်းပါဝင်မှာဖြစ်ပါတယ်။ ဒုံးအဖွဲ့ပေါင်း (၁ဝ) ဖွဲ့ကျော် လာရောက်ကကြမှာဖြစ် ပါတယ်။

အဆိုပါနာမည်ကြီးတဲ့ဒုံးများထဲမှ တောင်ဒီးဒုံးဟာ လွန်ခဲ့တဲ့နိုဝင်ဘာလ (၇) ရက်နေ့မှာ ဘားအံမြို့မှာ ကျင်းပခဲ့တဲ့ ကရင်ပြည် နယ်နေ့မှာ ဒုံးအဖွဲ့ပေါင်း (၇ဝ) ထဲမှ ဒုတိယဆုရရှိသွားတဲ့ဒုံး ဖြစ်ပါတယ်။



ဒုံးယိမ်းအကဟာ သွက်သွက်လက် လက်မြူးမြူးကြွကြွနှင့်ကနေရတာပဲလို့ မြန်မာနိုင်ငံမှာရှိတဲ့ တိုင်းရင်းသားတွေ အပါအဝင် ကရင်လူငယ်တွေပါ အားလုံးလိုလိုကသိမြင်ထားကြပါတယ်။ တကယ် တမ်းကျတော့ လူငယ်တွေအများစု ဟာ ဒုံးယိမ်းအကအကြောင်းကို ကောင်းစွာသိသူနဲပါးလှပါတယ်။ ဒုံးယိမ်းအကကိုလူငယ်တွေမှသာကနိုင်ကြပါတယ်။ ပေါ့ပါးသွက်လက်စွာခန္ဓာကိုယ်ကို လှုပ်ရှားနေရ တဲ့အတွက်ကြောင့်ပဲဖြစ်ပါတယ်။

ကရင်ပြည်နယ် ဘားအံမြို့နယ်ရှိ ဒုံရင်းကျေးရွာဇာတိနေ အဖိုးခွဲကဘောင်ဟာ အသက် (၁၈) နှစ်ကစပြီး ဒုံးယိမ်းအက ကိုစတင်လေ့လာလိုက်စားခဲ့ပြီး အသက် (၂၆) နှစ်မှာ ဒုံးဆရာဖြစ်လာခဲ့ပါ တယ်။ အသက် (၇ဝ) ထိ ဘဝတစ်လျှောက် လုံး ဒုံးယိမ်းအကကိုပဲ လေ့လာလိုက်စားခဲ့သူဖြစ်ပါတယ်။ အခုအဖိုးခွဲကဘောင်ဟာ ထိုင်းနိုင်ငံမဲဆောက်မြို့ရှိ ကရင်စာ ပေယဉ်ကျေးမူတာဝန်ခံအဖြစ် တာဝန်ယူ ထားပါတယ်။ ဒုံးယိမ်းအကနဲ့ပတ်သက်ပြီး ဒုံးဆရာကြီးအဖိုးခွဲကဘောင်က အခုလိုရှင်းပြထားပါတယ်။

ဒုံးယိမ်အကစတင်ဖြစ်ပေါ်လာရတဲ့အကြောင်းအရင်းကတော့ ရှေးခေတ်အပျိူလူပျိုတွေဟာ သစ်ပင် ဝါးပင် အောက်မှာ ချိန်းတွေ့နေကြပြီး လူကြီးတွေကသူတို့ရဲ့အဖြစ်ကို ကြည့်မကောင်းရှုမလှဖြစ်ခဲ့ရာမှ ရိုးရယဉ်ကျေးမူတွေရှိလာအောင် အပျိုလူပျိုတွေကိုစုရုံးပြီး ဒုံးယိမ်းအကကို စတင်ဖွဲ့စည်းခဲ့ခြင်း ဖြစ်ပါတယ်။ ရှေးခေတ်ကဒုံးဆရာတွေဟာ ဒုံးသင်ကြား တဲ့နေရာမှာ တစ်နှစ်တာအတွင်းမှာရှိတဲ့ သဘာဝပတ်ဝန်း ကျင်ကအဖြစ်အပျက်တွေကို အခြေခံပြီးမှ ဒုံးသီချင်းကိုဖွဲ့နွှဲု့ပြီး ဒုံးအကသင်ကြားပေး ပါတယ်။ ဒုံးဆိုတာရိုးရာယဉ်ကျေးမူကြားမှာ စိတ်ကိုမြူးကြွစေတဲ့အက တခုဖြစ်ပါတယ်။

ကရင့်ရိုးရာ ဒုံးယိမ်းအကကို ကရင်တစ်မျိုးသားလုံးက ခရစ်တော်မပေါ်မီ Bဃ ၇၃၉ ခုနှစ်မှာ စတင်အသိအ မှတ်ပြုလာ ခဲ့ပါတယ်။ ရှေးခေတ်က ဒုံးအမျိုးအစား (၇) မျိုးရှိပြီး ယင်း (၇) မျိုးမှာ ဒုံးမောင်ရိုး၊ ဒုံးဆအော် (ခေါ်) (ဒုံးမျောက်)၊ ဒုံးမူးနော်ဖိုးသားခွား (ဒုံးအပျိုလူပျို)၊ ဒုံးလူအို၊ ဒုံးပနား (ခေါ်) (ဒုံးကျွဲ)၊ ဒုံးထရဲ (ခေါ်) (ဒုံးဒရယ်)၊ ဒုံးကုလားတို့ဖြစ်ပါ တယ်။ ဒုံးမောင်ရိုးအကမှာ ဟွေးလေးလေးမောင်းရိုး ဆိုတဲ့သံစဉ်နဲ့ အစချီပြီးဖြေး ဖြေးနှင့်ကရပါတယ် သို့သော်လည်း ကကွက်သိပ်မရှိပါ။ ဒုံးဆအော် (ခေါ်) (ဒုံးမျောက်) သည် မျောက်မျက်နှာကဲ့သို့မျက်နှာအမူအရာထားပြီး ကရတာမျိုးဖြစ် ပါတယ်။ ဒုံးမူးနော်ဖိုးသားခွား (ခေါ်) (ဒုံးအပျိုလူပျို) သည် ယနေ့ကနေတဲ့ဒုံးပဲဖြစ်ပါတယ်။ ဒုံးပနား (ခေါ်) (ဒုံးကျွဲ)သည် ကျွဲထိန်းသမား များကတီထွင်လာတာဖြစ်ပြီး ကျွဲဂျိုနဲ့တူတဲ့ဂျိုကိုပြုလုပ်ပြီး ခေါင်းမှာပတ်ပြီး ကကြ ပါတယ်။ ဒုံးထရဲ (ခေါ်) (ဒုံးဒရယ်) ဟာလည်းပဲ ဒရယ်ခေါင်းဂျိုတပ်ပြီးကကြပါတယ်။ ဒုံးကုလားအ ကမှာတော့ ကုလားတို့ရဲ့တေးသံတေး သွား နဲ့အတူ ကုလားတို့ရဲ့အကအမူရာနှင့်ညီအောင်ကနေရပြီး ရယ်စရာ ကောင်းသောဒုံးတမျိုးလည်းဖြစ်ပါတယ်။ ယင်းဒုံးကုလားအကဟာ အသားဖြူသူတချို့က အိုးမဲသုတ် လိမ်းပြီးမှကကြရပါတယ်။

ယခုခေတ်ဒုံးအများစုက တဖွဲ့မှာ လူ ၃၂ ဦး မှ ၃၄၊ ၃၆ ဦးအထိရှိပါတယ် လူများရခြင်း အကြောင်းမှာ ဒုံးယိမ်းအကဟာ ကကွက်နှင့်အတူကရတာပြီး လူများမှ ကကွက်စေ့ပါတယ် အထူး သဖြင့် ကကွက်တွေဟာ KAREN သင်္ကေတတွေကို ကကြတာများပါတယ် တချို့ကကွက်တွေမှာ ကရင်နှစ် သစ်ကူးနေ့ဆိုတဲ့သင်္ကေတကို အကွက်ကျကျစီပြီးကကြတယ် အက္ခရာ တစ်လုံးချင်းကို ကကြတာဖြစ်ပါတယ် သို့သော်လည်း ကကွက်စီတဲ့နေရာမှာ ဘယ်ကကွက်ကို ကရမလဲဆိုတာ ကန့်သတ်ချက်မရှိပါ။ သင်ကြားပေးတဲ့ဒုံးဆရာအပေါ်မှာသာမူတည်တယ်လို့ ဒုံးဆရာတစ်ဦး ကပြောပါတယ်။

အများအားဖြင့် ဒုံးအဖွဲ့တိုင်းမှာ ဒုံးပဏာမရှေးဦးကို သုံးယောက်၊ နှစ်ယောက်၊ တစ်ယောက် စသဖြင့်ထားလေ့ရှိပါတယ်။ အဓိကတစ်ဦးမှာ အမျိုးသမီးဖြစ်ပြီး ၄င်းအမျိုးသမီးတစ်ဦးဟာ မေတ္တာပို့ သတဲ့ တေးသီချင်းကိုဆိုရင်းကနေရတာဖြစ် ပါတယ် ၄င်းဆုတောင်းမေတ္တာပို့သခြင်းကို တပင်တိုင်အ ကဟူ၍ခေါ်ဝေါ်ကြပါတယ်။ တခါတရံမှာ ဒုံးပဏာမရှေးဦးကို အမျိုးသမီးတစ်ဦးနဲ့ အမျိုးသား နှစ်ဦးထားရှိကြပါတယ်။ ၄င်းအမျိုးသားနှစ်ဦးဟာ အမျိုးသမီးရဲ့ဘေးတဖက်တချက်စီမှာ ကနေရပါ တယ်။ ဒုံးပဏမ ရှေးဦးကို အမျိုးမျိုးထားလေ့ရှိကြပါတယ်။ ဒုံးပဏာမရှေးဦးထား ရှိရတဲ့အပြင် ကရင့်အမျိုး သား အလံတော်ကို ကိုင်ဆောင်ရမည့် အမျိုး သမီးတစ်ဦးလည်းထားရှိရပါတယ် ဒုံးအဖွဲ့တိုင်း အမျိုးသားအလံကိုင် ဆောင်ရခြင်း၏ အကြောင်းမှာ ကရင်အမျိုးသား၏အလံတော်ကို လေးစားဂုဏ်ပြုခြင်းအနေဖြင့်လည်းကောင်း ဒုံးတခု လုံး၏ မျက်နှာဖုံးအနေဖြင့်လည်းကောင်း အလံကိုင်ရခြင်းဖြစ်ပါတယ် ၄င်းအလံကိုင်သူတစ်ဦးဟာ မတ်မတ်ရပ်နေရတဲ့ အပြင် ဒုံးကပြီးသည်အထိ အလံကိုငြိမ်သက်စွာကိုင်ထားရပါတယ်။ ဒုံးစတင်ကတော့မည်ဆိုလျင် အလံကိုင်တဲ့အမျိုး သမီးသည်ဒုံး၏စင်မြင့်ပေါ်၌ ရှေ့သို့ဦးစွာထွက်လာရပါတယ် ၄င်းအလံကိုင်အမျိုး သမီးထွက်လာပြီးမှ ဒုံးပဏာမရှေးဦး သုံးယောက်လည်း မေတ္တာပို့သထွက်လာရပါတယ် မေတ္တာပို့သ ပြီးတဲ့နောက်မှာ ဒုံးတစ်ဖွဲ့လုံးစတင်ကရပါတယ်။

ဒုံးနှင့်အတူတွဲကအသုံးပြူတဲ့ တီးမှုတ်တူရိယာများကတော့ ပင်စည်၊ ကြေးကွင်း၊ နွဲ၊မောင်း၊ ဝါးလက်ခေါက်တို့ဖြစ်ပါ တယ်။ တေးသီချင်းနှင့်အတူသံပြိုင်သီဆိုကရပါတယ် တီးဝိုင်းအနားမှာ နောက်ခံ တေးအဖွဲ့တဖွဲ့လည်းထားရှိရပါတယ်။ ရိုးရာဝတ်စုံအဖြစ် အမျိုးသားမှာ လုံချည်၊ အင်္ကျီအောက်ခံ အဖြူရောင်လက်ရှည် နှင့် အပေါ်ကရိုးရာအင်္ကျီ၊ ခါင်းပေါင်း၊ ခြေစွပ်အဖြူဝတ်ပြီး အမျိုးသမီးမှာလည်း ထဘီ၊ အင်္ကျီ၊ ခေါင်းစည်းပုဝါ နှင့်အတူ ဘယ်ဘက်လက်၏လက်ခလယ်မှာ အဖြူရောင်ပုဝါ သေးသေး လေးတခုကို ညှပ်ထားရပါတယ် အမျိုးသားတွေလိုပဲ ခြေစွပ်အဖြူ များကိုဝတ်ဆင်ကြပါ တယ်။

အခုလက်ရှိဒုံးအကနဲ့ ရှေးခေတ်ကဒုံးအကကို နှိုင်းယှဉ်ကြည့် ခြင်းအားဖြင့် များစွာကွာခြား လှပါတယ်။ အခုလက်ရှိဒုံးယိမ်း အကဟာ စိတ်ကိုမြူးမြူးကြွကြွနဲ့ရှိစေပါတယ်။ ရိုးရာယဉ် ကျေးမူနဲ့ လည်းလိုက်ဖက်မူရှိပါတယ်။ အထက်မှာဖေါ်ပြခဲ့တဲ့ ရှေးခေတ်ဒုံး (၇) မျိုးကတော့ ရိုးရာယဉ်ကျေးမူနဲ့ ကိုက်ညီမူ မရှိတဲ့အတွက် ဒုံးဆရာတစ်ဦးကနေပြီး ဒုံးယိမ်းအကကို ယဉ်ကျေးမူရှိတဲ့အမူအရာလေးရှိလာ အောင် ၁၉၃၆ ခုနှစ်မှာ ပထမတခါ ပြန်လည်ပြုပြင်ခဲ့ပါတယ် ထိုအချိန်ကစပြီး အဆိုပါဒုံး (၇) မျိုးဟာ ပျောက်လုနီးပါးဖြစ်လာခဲ့ပါတယ်။

ပြန်လည်ပြုပြင်ခဲ့ရခြင်း၏အကြောင်းမှာ ဥမာအားဖြင့် ဒုံးဆအော် (ခေါ်) မျောက်အကဒုံးဟာ မျောက်မျက်နှာလိုမျိုး မျက်နှာအမူအရာထားကရပြီး၊ ဒုံးဒရယ် သည် လည်းပဲ ဒရယ်ဂျိုကိုခေါင်းမှာတပ်ပြီး ကရတဲ့အတွက်ကြောင့် ၄င်းအက တွေဟာ ယဉ်ကျေးမူနဲ့ လိုက် ဖက်မှုမရှိဖြစ်နေပါတယ်။ ထို့ကြောင့် ၄င်းအကတွေကို ပြန်လည်ပြုပြင်ခဲ့ရခြင်းဖြစ်ပါတယ်။

ဒုံးယိမ်းအကကိုပထမဆုံးတခါ ပြန်လည်ပြုပြင်ပြီးနောက်ပိုင်း ကရင်စာပေယဉ်ကျေးမူရှိ ဒုံးဆရာကြီး ရွှေကြိုးကြာမှ ရိုးရာယဉ်ကျေးမူဒုံး၏အမည်အခေါ်အဝေါ်နှင့် အကအားလုံးကို တမျိုးတ စားတည်းဖြစ်အောင် ယဉ်ကျေးမူရှိရှိနှင့် မြူးမြူးကြွကြွကရတဲ့အကမျိုးဖြစ်လာအောင် ၁၉၆၄ ခုနှစ် (မဆလ) ခေတ်မှာ ဒုံးယိမ်းအကကို ပြန်လည်ပြုပြင်ဖွဲ့စည်း နိုင်ခဲ့ပါတယ်။ အဲဒီအချိန်ကစပြီး ကရင်တွေ နှစ်သစ်ကူးပွဲတော်ကျင်းပတိုင်း ရိုးရာယဉ်ကျေးမှုအကတစ်ခုဖြစ်တဲ့ ဒုံးယိမ်းအကကိုပါ ကနေခဲ့ကြတာ ဒီကနေ့ဒီ အချိန်အထိပါပဲ။ ဆောင်းနဲ့နှင်းခွဲခြားမရသလို ကရင်လူမျိုးနဲ့ဒုံးယိမ်းအက ဟာခွဲခြားလို့မရပါဘူး။ နှင်းတွေဝေတဲ့ပြာသိုလရောက်တဲ့အခါတိုင်း ဖါးစည်သံတလွင်လွင်နဲ့ ကရင်ဒုံးယိမ်းအသံလေး တွေဟာ ဆောင်းအလှကိုချယ်မှုန်းထားသလိုပါဘဲ။

နော်ချို
်From Kaowao News

Sunday, November 22, 2009

နာဂစ် မိဘမဲ့ကလေးများအကြောင်း မှတ်တမ်းရုပ်ရှင် - “Orphans of Burma Cyclone”


ယခုဖေါ်ပြသော “နာဂစ် မိဘမဲ့ကလေးများအကြောင်း မှတ်တမ်းရုပ်ရှင် - Orphans of Burma Cyclone” ကို ဒီဗွီဘီ (Democratic Voice of Burma – DVB) တီဗွီ သတင်းထောက် တီနဲ့ ဇက်တို့ မှ နအဖရဲ့ ဖိနှိပ်ချုပ်ချယ်မှုတွေ ကြီးမားနေတဲ့ အချိန်မျိုးမှာ စွန့်စွန့်စားစား သွားရောက်ရိုက်ကူးခဲ့တာဖြစ်ပြီး၊ ယခုအခါမှာ ဒီမှတ်တမ်းရုပ်ရှင်ဟာ Rory Peck ဆုပေးဖို့ လန်ဒန်ရှိ ဆုရွေးချယ်ရေးအဖွဲ့က ရွေးချယ်လိုက်ပါတယ်။
From niknaman.co.cc

Saturday, November 14, 2009

တခြားသော အမျိုးသားကို မုန်းတီးခြင်းသည် အမျိုးသားရေး မဟုတ်ဟု ဒေါ်စုပြောကြား

ဖနိဒါ
ဗုဒ္ဓဟူးနေ့၊ နိုဝင်ဘာလ 11 ရက် 2009 ခုနှစ် 15 နာရီ 22 မိနစ်

မဇ္ဈိမ (ချင်းမိုင်) ။ ။ တခြားသော အမျိုးသားများကို မုန်းတီးခြင်းသည် အမျိုးသားရေး မဟုတ်ဟု အတိုက်အခံ ခေါင်းဆောင် ဒေါ်အောင်ဆန်းစုကြည်က ပြောဆိုလိုက်သည်။

”သူ (ဒေါ်အောင်ဆန်းစုကြည်) တခုပဲ ပြောပါတယ်။ အမျိုးသားရေးဆိုတာ အင်မတန်ကောင်းတယ်။ အမျိုးသားရေးဆိုတာ ကိုယ့်အမျိုးသားကို ကောင်းစားစေချင်တဲ့ စေတနာ မေတ္တာတွေ ကောင်းတယ်။ ဒါပေမယ်လို့ တခြားအမျိုးသားကို ထိခိုက်စေတဲ့ဟာ၊ တခြားအမျိုးသားကို မုန်းတီးတာဟာ အမျိုးသားရေး မဟုတ်ဘူးဆိုတာပဲ ပြောလိုက်တယ်”ဟု အမျိုးသား ဒီမိုကရေစီအဖွဲ့ချုပ် ပြောရေးဆိုခွင့်ရှိသူ ဦးဥာဏ်ဝင်းက ဒေါ်အောင်ဆန်းစုကြည် ပြောစကားကို ကိုးကား၍ မဇ္ဈိမကို ပြောသည်။

ရှေ့နေလည်းဖြစ်သော ဦးဥာဏ်ဝင်းနှင့် နေအိမ်ချုပ်ကျခံနေရသော ပါတီခေါင်းဆောင်တို့ ယနေ့နံနက်တွင် ရန်ကုန်မြို့ တက္ကသိုလ်ရိပ်သာလမ်းရှိ သူမ၏ နေအိမ်တွင် တွေ့ဆုံခဲ့ကြရာ ပြောကြားလိုက်ခြင်း ဖြစ်သည်။

ယနေ့သည် မြန်မာ့ရိုးရာ ပြက္ခဒိန်အားဖြင့် တန်ဆောင်မုန်းလပြည့်ကျော် ၁၀ ရက်နေ့ဖြစ်ပြီး ၈၉ နှစ်မြောက် အမျိုးသားနေ့ ဖြစ်သည်။ အင်္ဂလိပ် ကိုလိုနီ အစိုးရလက်အောက် ၁၉၂၀ ခုနှစ်တွင် ဖြစ်ပွားခဲ့သော ပညာရေးအဆင့် မြှင့်တင်စေလိုသော ကောလိပ်ကျောင်းသားများ၏ သပိတ်စတင်သောနေ့ကို အမျိုးသားနေ့ဟု သတ်မှတ်ခဲ့ကြသည်။

စစ်အစိုးအကြီးအကဲ ဗိုလ်ချုပ်မှူးကြီး သန်းရွှေကလည်း အမျိုးသားနေ့မိန်းခွန်း ပြောကြားသည်ကို ယနေ့ထုတ် စစ်အစိုးရအာဘော် မြန်မာ့အလင်း သတင်းစာတွင် ဖော်ပြထားသည်။

မျက်မှောက်ကာလတွင် ခေတ်သစ်ကိုလိုနီနယ်ချဲ့ နိုင်ငံကြီးများက အခြားနိုင်ငံများ၏ ပြည်တွင်းရေးကို ဝင်ရောက်စွက်ဖက်ပြီး နယ်ပယ်အသီးသီး ကို လွှမ်းမိုးခြယ်လှယ်ရန် ကြိုးပမ်းဆောင်ရွက်လျက် ရှိသည်ဟု ဗိုလ်ချုပ်မှူးကြီး၏ ပြောဆိုသည့် စကားကို ဖော်ပြထားသည်။

ထို့အပြင် ၂၀၁၀ ခုနှစ်တွင် ရွေးကောက်ပွဲ ကျင်းပနိုင်ရေး ပြင်ဆင်နေသည့်အတွက် ပြည်သူများက ပူးပေါင်း ဆောင်ရွက်ရန်လည်း တောင်းဆို လိုက်သေးသည်။

မြန်မာနိုင်ငံအပေါ် အမေရိကန်၊ ဥရောပသမဂ္ဂအဖွဲ့ဝင် နိုင်ငံများ၊ သြစတြေးလျား အပါအဝင် စီးပွားရေးနှင့် သံတမန်ရေးရာ ပိတ်ဆို့အရေးယူမှုများ ရုတ်သိမ်းရေးတွင် ပါဝင်ကူညီပေးမည်ဆိုသော ငြိမ်းချမ်းရေး နိုဘယ်လ်ဆုရှင်က စစ်ခေါင်းဆောင်ထံ စာရေးသား ပေးပို့ပြီးနောက် နောက်ဆက်တွဲ အဖြစ် ဒေါ်အောင်ဆန်းစုကြည်သည် အများပြည်သူ မြင်ကွင်းတွင် ပြန်လည်ပေါ်ထွက်လာခဲ့ကာ သူမ၏ ပြောစကားများလည်း တဆင့်စကားအဖြစ် ပုံမှန်ထွက်ပေါ်လာနေခဲ့သည်။

ရန်ကုန်ရှိ အန်အယ်ဒီ ရုံးချုပ်တွင် ကျင်းပသော အမျိုးသားနေ့ အခမ်းအနားအတွက် ဒေါ်အောင်ဆန်းစုကြည်က ဦးဥာဏ်ဝင်းမှတဆင့် နှုတ်ဖြင့် သဝဏ်လွှာပါး ကျေးဇူးတင်စကား ဆိုလိုက်သည်။ ပြည်နယ်နှင့် တိုင်း အသီးသီးမှ ခေါင်းဆောင်များ မအားလပ်သည့်ကြားမှ အခမ်းအနား တက်ရောက်ခြင်းအပေါ် ကျေးဇူးတင်သည်ဟု သူမက ပြောကြားသည်။

အမျိုးသားဒီမိုကရေစီအဖွဲ့ချုပ်က စစ်အစိုးရအနေဖြင့် တွေ့ဆုံဆွေးနွေးအဖြေရှာရန် ထပ်မံတောင်းဆိုလိုက်ပြန်ပြီး ဒေါ်အောင်ဆန်းစုကြည်၊ ဦးတင်ဦး၊ ရှမ်းအမျိုးသားများ ဒီမိုကရေစီ အဖွဲ့ချုပ် ဥက္ကဋ္ဌ ဦးခွန်ထွန်းဦး၊ အတွင်းရေးမှူး စိုင်းညွန့်လွင်နှင့် အခြားတိုင်းရင်းသား ခေါင်းဆောင် များအား အမြန်ဆုံးလွှတ်ပေးရန် လိုအပ်သည်ဟု ဆိုသည်။

ထို့အပြင် အဖွဲ့ချုပ် ရုံးများကို ကာလရှည်ကြာ ပိတ်ထားခြင်းမှ ပြန်လည်ဖွင့်ခွင့်ပြုရန်နှင့် လွတ်လပ်စွာ စည်းရုံးခွင့်၊ တရားဝင် စည်းရုံးခွင့်ပေးရန်၊ ၁၉၉၀ ပြည့်နှစ် ပါတီစုံ ရွေးကောက်ပွဲတွင် အနိုင်ရပြီးမှ ဖျက်သိမ်းခံပါတီများ အပါအဝင် နိုင်ငံရေးပါတီများကို နိုင်ငံရေး မှတ်ပုံတင်ခွင့်ပေး၍ စည်းရုံးခွင့်ပြုရန်တို့ကို စစ်အစိုးရအနေဖြင့် အမြန်ဆုံး ဆောင်ရွက်ပေးရန် လိုအပ်ကြောင်း ကြေညာချက်တွင် ဖော်ပြထားသည်။

အန်အယ်ဒီ ပြန်ကြားရေးအဖွဲ့ဝင် ဦးအုန်းကြိုင်က အမျိုးသားနေ့ အထိန်းအမှတ်အဖြစ် “ဒီအမျိုးသားနေ့မှာ ဒေါ်အောင်ဆန်းစုကြည်က အခုလို နှုတ်နဲ့ သဝဏ်လွှာပါးခွင့်ရတာဟာ ထူးခြားတယ်လို့ ပြောချင်ပါတယ်။ မြန်မာ့နိုင်ငံအရေး ပြေလည်မှု အလားလာ တိုးတက်လာသလားလို့ မျှော်လင့်နိုင်တယ်ဆိုရင်တော့ အားတက်စရာ ဖြစ်တယ်လို့ ပြောချင်ပါတယ်” ဟု ပြောသည်။

အခမ်းအနားသို့ အမျိုးသား ဒီမိုကရေစီအဖွဲ့ချုပ် ပြည်နယ်နှင့် တိုင်းအသီးသီးမှ ကိုယ်စားလှယ်များ၊ ဝါရင့်နိုင်ငံရေးသမားများ အဖွဲ့ဝင်များ၊ ပြည်သူ့လွှတ်တော် ကိုယ်စားပြုကော်မတီ - CRPP နှင့် ရခိုင် အမျိုးသား ဒီမိုကရေစီ အဖွဲ့ချုပ်တို့ အပါအဝင် လူဦးရေ ၁၀၀၀ ခန့် တက်ရောက် ခဲ့သည်။

မြန်မာ့နိုင်ငံရေး ဖြတ်သန်းမှုတွင် ကာလရှည်စွာ ပါဝင်လာခဲ့သည့် ဝါရင့်နိုင်ငံရေးသမားအစုကလည်း တွေ့ဆုံဆွေးနွေးရေး ပြုလုပ်ပါဟု ပြောဆိုလိုက်သည်။
From Komoethee.blogspot.com

Tuesday, November 10, 2009

Burmese refugees in U.S.A



I arrived to U.S.A last 5 years ago but U.S government don't give me green card yet.

I have my family and my driver license almost expire. I'm trouble like you.

The Fall of the Berlin Wall


How about DKBA and KNU?

Thursday, September 24, 2009

We never forget


"စစ်အာဏာသိမ်းခဲ့သည့် ၁၉၈၈ ခုနှစ် စက်တင်ဘာလ ၁၈ ရက်နေ့က သေနတ်မှန်ထားသော ကျောင်းသူလေးကို သယ်ယူပြေးလွှားနေသည့် ဒေါက်တာ စောလွင်နှင့် ဒေါက်တာ မင်းသိန်း "
From komoethee.blogspot.com

Wednesday, August 19, 2009

ဒီကေဘီအေ ဗိုလ်မှူးကြီးစောချစ်သူ လုပ်ကြံခံရ


တိုးတက်သောဗုဒ္ဒဘာသာကရင်အမျိုးသားတပ်မတော် (ဒီကေဘီအေ) ၉၉၉ တပ်မဟာအခြေချ ဗျူဟာမှူး ဗိုလ်မှူးကြီး စောချစ်သူသည် အောက်လက်ငယ်သားများ၏လုပ်ကြံမှုခံရ၍ ရန်ကုန်မြို့တွင် ဆေးကုသမှု ခံယူနေရသည်ဟု ဒီကေဘီအေနှင့် နီးစပ်သည့် ဘာသာရေးခေါင်းဆောင် တဦးက ပြောသည်။

၎င်းက “ပြီးခဲ့တဲ့ တပ်မဟာ(၇) ထိုးစစ်ကအပြန်မှာ ၉၉၉ တပ်ရင်း (၇) က တပ်ရင်းမှူး ဗိုလ်စံပြုံး (ဆန်ပြုတ်) လုပ်ကြံခံရတဲ့ကိစ္စအပါအ၀င် အခြားကိစ္စတွေကြောင့် ဗိုလ်ချစ်သူလုပ်ကြံခံရတယ်လို့ သိရတယ်။ ရန်ကုန်ကနေ နိုင်ငံခြားထိ သွားကုဖို့လုပ်နေကြတယ်။ အခြေအနေအတော်ဆိုးတယ်လို့ သိရတယ်” ဟု ပြောသည်။

ဒီကေဘီအေ ၉၉၉ အခြေချဗျူဟာရုံးစိုက်ရာ မြ၀တီခရိုင် ရွှေကုက္ကိုရွာတွင် နေထိုင်သူတဦးက “ဒီကိစ္စဟုတ်ပါတယ်၊ သတင်းပိတ်ထားတယ်၊ ခရီးသွားတယ်လို့ပြောတယ်၊ ဖြစ်တာ ဗိုလ်ဆန်ပြုတ် အသုဘအပြီး ဇွန်လကုန်လောက်မှာဖြစ်တာ” ဟု ပြောသည်။

ဒီကေဘီအေ ၉၉၉ တပ်ရင်း (၇) မှ တပ်ရင်းမှူး ဒု-ဗိုလ်မှူးကြီး အဆင့်ရှိသူ ဗိုလ်စံပြုံး (ခေါ်) ဗိုလ်ဆန်ပြုတ်သည် ပြီးခဲ့သည့် ဇွန် (၂၆) ရက်တွင် အမည်မသိအဖွဲ့တဖွဲ့၏ ချုံခိုတိုက်ခိုက်ခံရသဖြင့် ၎င်း၏ရဲဘော်များနှင့်အတူ သောင်ရင်းမြစ်အတွင်း သေဆုံးခဲ့သည်။

ဗိုလ်ဆန်ပြုတ်လုပ်ကြံခံရမှုနှင့် ပတ်သက်၍ လက်အောက်ငယ်သားများ၏ မယုံသင်္ကာဖြစ်မှုခံရပြီး တပ်မဟာ(၇) ထိုးစစ်အတွက် မြန်မာစစ်တပ်မှပေးသည့် သိန်းထောင်ချီသည့်ငွေများနှင့် အခြားစီပွားရေးသမားများ ပေးသည့်ငွေများကို စောချစ်သူက မောင်ပိုင်စီးသည့်အတွက် လုပ်ကြံခံရခြင်းဖြစ်နိုင်သည်ဟု ဒီကေဘီအေနှင့်စီးပွားရေးတွဲလုပ်သူ ကုန်သည်တဦးက ပြောသည်။

ယခုဖြစ်ရပ်နှင့်ပတ်သက်၍ ၉၉၉ အခြေချဗျူဟာသို့ ဆက်သွယ်မေးမြန်းခဲ့ရာ ကောလာဟလသတင်းများသာဖြစ်သည်ဟု ပြန်လည်ဖြေကြားသည်။

(၉၉၉) အခြေချဗျူဟာမှူးသည် လွန်ခဲ့သည့်ဇွန်လက နအဖ၏အထောက်အပံ့ဖြင့် တလနီးပါးကြာမြင့်ခဲ့သည့် ကရင်အမျိုးသားလွတ်မြောက်ရေးတပ်မတော် တပ်မဟာ (၇) ဒေသကို ထိုးစစ်ဆင်ရာတွင် အဓိကဦးဆောင်ခဲ့သူဖြစ်သည်ဟု ကရင်အမျိုးသားအစည်းအရုံးက ပြောသည်။
from khitpyaing

Wednesday, August 5, 2009

SPDC, GET OUT


former RANGOON UNIVERSITY CORRESPONDENT STUDENT UNION(R.U.C.S.U)1988











FROM dr.lunswe.blogspot.com

8-8-88 ( NEVER FORGET,NEVER GIVE UP)



former RANGOON UNIVERSITY CORRESPONDENT STUDENT UNION(R.U.C.S.U)1988

Saturday, May 16, 2009

အကယ်၍


အကယ်၍
မင်းအသိုင်းအ၀ိုင်းက
တုန်လှုပ်ခြောက်ခြားပြီး
ဒါတွေဟာ
မင်းကြောင့်လို့
ဝိုင်းဝန်းပြစ်တင်ကြတဲ့အခါ
မင်းဟာ
ခေါင်းအေးအေးနဲ့ ရင်ဆိုင်နိုင်မယ်ဆိုရင်. . .

အကယ်၍
အားလုံးက မင်းကို
မယုံသင်္ကာဖြစ်လာတဲ့အခါ
သူတို့ကို နားလည်စွာခွင့်လွှတ်ရင်းနဲ့
မင်းကိုယ်မင်း ယုံကြည်မှုအပြည့်ရှိမယ်ဆိုရင်. . .

အကယ်၍
မင်းရဲ့အမှန်စကားတွေကို
လူလိမ်လူညစ်တွေက
လှည့်စားပြောင်းလဲပြီး
မုသားအဖြစ် ထောင်ချောက်ဆင်ညစ်တဲ့အခါ
မင်းဟာ
တည်ငြိမ်စာနဲ့ နာကြားနိုင်မယ်ဆိုရင်
ဒါမှမဟုတ်
မင်းဘ၀တစ်ခုလုံးပေးပြီး
အရိပ်တကြည့်ကြည့် ဖြည့်ဆီးခဲ့ရတဲ့ အရာရာကို
ဖျက်ဆီးခံလိုက်ရပြီးတဲ့ နောက်မှာ
အင်မတန်သေးငယ်တဲ့ တန်ဆာပလာ အရာရာနဲ့
ပြန်လည်တည်ဆောက်နိုင်မယ်ဆိုရင်. . .

အကယ်၍
မင်းနိုင်ခဲ့သမျှတွေအားလုံးဟာ
ကြွေတစ်လှည့် ကြက်တစ်ခုန်ပမာ
တစ်လှည့်တစ်ခါတည်းနဲ့ ဆုံးရှုံးသွားခဲ့ရင်….
ပြီးတော့
အစကနေ ပြန်စနိုင်မယ်ဆိုရင်….
ပြီးတော့တစ်ခါ
ဆိုးလှတဲ့ကံကြမ္မာရယ်လို့
ဘယ်သောအခါမှ ညည်းညူးမနေဘူးဆိုရင်. . .

အကယ်၍
သူများတကာ လုပ်ပြီးသွားကြလို့ အချိန်အတော်ကြာမှ
မင်းအလှည့်ရောက်လာတဲ့အခါ
မင်းတစ်ယောက်တည်းနဲ့ပဲ
အားနဲ့မာန်နဲ့ ဇွဲသတ္တိရှိရှိ ဆက်ကြိုးစားမယ်ဆိုရင်…..
အဲဒီလိုပဲ
မင်းမှာ စိတ်အင်အားကလွဲလို့
ဘာဆိုဘာမှ မရှိတော့တဲ့အခါ
အဲဒီစိတ်ဓာတ်အင်အားကို
ခိုင်မာစွာနဲ့ပဲ ဆက်လက်ဆုပ်ကိုင်ထားနိုင်မယ်ဆိုရင်. . .

အကယ်၍
စောင့်သင့်တဲ့အချိန်ကို စောင့်နိုင်ပြီး
အဲဒီအတွက်လည်း မမောမပန်းနေနိုင်မယ်ဆိုရင်…
ဒါမှမဟုတ်
မင်းရဲ့အကြောင်း
မဟုတ်တရား မုသားစကား ကြားရတဲ့အခါ
မင်းကလည်း အလိမ်အညာတွေနဲ့
မတုန့်ပြန်ဘူးဆိုရင်….
ဒါမှမဟုတ်
မင်းကို လူတကာက ၀ိုင်းဝန်းမုန်းတီးတဲ့အခါ
မင်းဟာ အမုန်းတွေပြန်မပွားဘူးဆိုရင်….
ပြီးတော့
မင်းကိုမင်း လူတော်တစ်ယောက်ရယ်လို့ မမြင်ဘဲ
ပညာရှိစကားတွေလည်း မပြောဘူးဆိုရင် . . .

အကယ်၍
စိတ်ကူးယဉ် အိပ်မက်တွေဟာ
မင်းအပေါ် မလွှမ်းမိုးစေဘဲ စိတ်ကူးနိုင်မယ်ဆိုရင်…
အတွေးအခေါ် စိတ်ကူးတွေဟာ
မျှော်မှန်းချက်သက်သက်သာ မဖြစ်စေဘဲ တွေးခေါ်နိုင်မယ်ဆိုရင်. . .

အကယ်၍
အောင်မြင်မှုသုခနဲ့ ဆုံးရှုံးမှုဒုက္ခတွေကို ကြုံတွေ့ရတဲ့အခါ
တူညီသော လောကဓံ တရားတွေပါလား ရယ်လို့
ခံယူထားနိုင်မယ်ဆိုရင်. . .

အကယ်၍
လူတွေနဲ့ထိတွေ့ပြောဆိုဆက်ဆံရတဲ့အခါ
ကိုယ်ကျင့်သိက္ခာကို စောင့်ထိန်းနိုင်မယ်ဆိုရင်…..
ဒါမှမဟုတ်
မင်းဧရာဇ်တွေနဲ့ အတူလမ်းလျှောက်နေရပေမယ့်
မာန်မာန သွေးမကြွဘူးဆိုရင်…

အကယ်၍
ရန်သူကဖြစ်စေ၊မိတ်ဆွေကဖြစ်စေ
မင်းကိုသိပ်ပြီး နာကျည်းအောင် မလုပ်နိုင်စေရင်. . .

အကယ်၍
လူတိုင်းကို တန်ဖိုးထားလေးစားရပေမယ့်
စွဲလမ်းမှု သံယောဇဉ်တွေ ထားမနေဘူးဆိုရင်…

အကယ်၍
တိုတောင်းလှတဲ့ မပစ်ပယ်နိုင်တဲ့ တစ်မိနစ်အတွင်းမှာ
အဓိပ္ပါယ်ရှိလှတဲ့ စက္ကန့်ခြောက်ဆယ် အဖြစ်
အသုံးချနိုင်မယ်ဆိုရင်. . .

ငါ့သားရေ
မင်းဟာ
အရာရာရှိတဲ့၊အရာရာဖြစ်တဲ့
ကမ္ဘာကြီးကို ဆုပ်ကိုင်လို့
အရာရာ ဘာမဆို မင်းစွမ်းနိုင်ပြီပေါ့….။
အဲဒီတော့ မင်းဟာလည်း
ယောက်ျားကောင်းတစ်ယောက်ပဲပေါ့။

ဤကဗျာကို RUDWARD KIPLING ကရေးသားခဲ့ ပြီး ဒေါ်အောင်ဆန်းစုကြည် က မူရင်းအတိုင်း အနှစ်သာရပြည့် ဝစွာဖြင့်မြန်မာပြန်ဆိုထားပါသည်။
sawkyawkhwi.blogspot.com မှ

န - အ - ဖ အောက်တန်းကျ

န - အ - ဖ အောက်တန်းကျ

ဒေါ်အောင်ဆန်းစုကြည်- ချက်ချင်းလွှတ်

FREE BURMA ,

FREE DAW SAN SUU KYI

Part 2- 58th Karen National Day


from sawkyawkhwi.blogspot.com

Part 1- 58th karen National Day


From sawkyawkhwi.blogspot.com

Sunday, May 3, 2009

ဗုဒ္ဓဘာသာက ဆင်းတုတွေကို ကိုးကွယ်တဲ့ ဘာသာလား " ဆင်းတုရှိခိုးတာ အကျိုးရှိလား "



ဂေါတမမြတ်စွာဘုရား ပရိနိဗ္ဗာန် စံလွန်သွားတာ နှစ် ၂၅၀၀ ကျော်ပြီ။ မရှိတော့တဲ့မြတ်စွာဘုရားကို ဆည်းကပ်ကိုးကွယ်လို့ ရသေးလား။ ကိုးကွယ်နေလို့ကောအကျိုးရှိပါမလား။
ဗုဒ္ဓဘာသာကဆင်းတုတွေ၊ ရုပ်ပုံပန်းချီကားတွေကို ကိုးကွယ်တဲ့ ဘာသာလား? ဆင်းတုတွေရုပ်ပုံတွေကို ရှိခိုးကိုးကွယ်နေလို့ ဘာအကျိုးရှိမှာလဲ။ ဒါတွေက အနောက်နိုင်ငံသားတွေ ဘာသာခြားတွေမေးကြတဲ့ မေးခွန်းတွေပဲ။
ဂေါတမမြတ်စွာဘုရားဟာ ပရိနိဗ္ဗာန် စံလွန်သွားပြီ ဖြစ်ပေမဲ့ သူဟောကြားထားတဲ့တရားအဆုံးအမတွေက ပကတိအတိုင်း ရှိနေကြတုန်းပဲ။ ဘုရားဖြစ်အောင်ကြိုးပမ်းခဲ့တာ အခုလို တရားအဆုံးအမကို ဟောပြဖို့ပဲ။နိဗ္ဗာန်ရောက်ကြောင်းတရားကို ညွှန်ပြပေးခဲ့ဖို့ပဲ။ ဒါတွေကအခု အကုန်ရှိနေသေးတာမို့ ဒီတရားတော်အတိုင်း လိုက်နာကျင့်ကြံ အားထုတ်ရင်းမြတ်ဗုဒ္ဓရှိစဉ်တုန်းကလိုပဲ ထပ်တူထပ်မျှ အကျိုးထူးများကို ခံစားရပါတယ်။နိဗ္ဗာန်ချမ်းသာကိုလည်း မျက်မှောက်ပြုနိုင်ပါတယ်။
ဗုဒ္ဓမြတ်စွာ ပရိနိဗ္ဗာန်မစံမီမှာ ဗုဒ္ဓကိုယ်စား ကိုးကွယ်ဆည်းကပ်ဖို့အတွက် စေတီ (၄) မျိုးကို သတ်မှတ်ပေးတော်မူခဲ့တယ်။

ဓာတုစေတီ… ဗုဒ္ဓရဲ့ ရုပ်ကလပ်တော်ကို မီးသဂြိင်္ုဟ်တဲ့အခါ ကျန်ရစ်တဲ့ ဓါတ်တော်များကို ဘုရားရှင် ကိုယ်စားကိုးကွယ်နိုင်တယ်။

ဓမ္မစေတီ…ဗုဒ္ဓမြတ်စွာ ၄၅ နှစ်တိုင်တိုင် ဟောကြားတော်မူခဲ့တဲ့ ပိဋကတ်သုံးပုံ၊မဂ်လေးတန်၊ ဖိုလ်လေးတန်နဲ့ နိဗ္ဗာန်တရားတို့ကို ဘုရားရှင်ကိုယ်စားကိုးကွယ်ဆည်းကပ်နိုင်တယ်။

ဥဒ္ဒိဿစေတီ…. သက်တော်ထင်ရှား မြတ်ဘုရားကို ရည်မှန်းပြီး ရေးသားတဲ့ ပုံတော်၊ပန်းချီကားချပ်တွေ၊ သစ်သားဆင်စွယ် စသည်တို့ကို ထုလုပ်ထားတဲ့ ဆင်းတုတွေ၊အုတ်၊ သဲ၊ အင်္ဂတေ စသည်တို့ဖြင့် တည်ဆောက်ထားတဲ့ စေတီပုထိုးတွေ၊ဒီအရာတွေအားလုံးကို ဘုရားရှင်ကိုယ်စား ရှိခိုးပူဇော်နိုင်တယ်။

ပရိဘောဂစေတီ…မဟာဗောဓိပင် အပါအ၀င် ဘုရားရှင် အသုံးပြုတော်မူခဲ့တဲ့ သပိတ်၊ သင်္ကန်း၊တောင်ဝှေးစသည်တို့ကိုလည်း ဘုရားရှင်ကိုယ်စား ဆည်းကပ်ကိုးကွယ်နိုင်တယ်။

အဲဒီတော့ဗုဒ္ဓဘာသာဝင်များက မြတ်ဗုဒ္ဓရဲ့ ပုံတော်ပန်းချီကားတွေ၊ ဆင်းတုတွေကိုရှိခိုးပူဇော်တာဟာ ဥဒ္ဒိဿစေတီအဖြစ် ရည်မှန်းပြီးရှိခိုးပူဇော်ခြင်းဖြစ်တယ်။ ပန်းချီကားအနေနဲ့ ရုပ်ထု၊ဆင်းတုတော်များအနေနဲ့ ရှိခိုးပူဇော်နေတာ မဟုတ်ဘူး။

ဥပမာ…ကွယ်လွန်သွားပြီးတဲ့ မိဘများရဲ့ဓါတ်ပုံကို ရှိခိုးကန်တော့နေတဲ့သူဟာစက္ကူဓာတ်ပုံကို ရှိခိုးကန်တော့နေတာမဟုတ်ဘူး။ သူ့မိဘကို ရည်မှန်းပြီးရှိခိုးကန်တော့နေခြင်းဖြစ်တယ်။ မိဘဓာတ်ပုံက အသက်ထင်ရှား ရှိစဉ်အခါကမိဘတို့ရဲ့ ရုပ်ပုံကိုထင်မြင်လာအောင် အထောက်အပံ့ပြုတယ်။ မိဘရဲ့ဂုဏ်ကျေးဇူးတွေ ထင်ပေါ်လာအောင် ကျေးဇူးပြုပေးတယ်။
စက္ကူဓာတ်ပုံကိုကျော်လွန်ပြီး မိဘတို့ရဲ့ တကယ့်ရုပ်သွင်နဲ့ မိဘတို့ရဲ့ဂုဏ်ကျေးဇူးများပေါ်လွင်လာအောင် ကြည့်ရှူရသလို ဘုရားပန်းချီ၊ ရုပ်ထု၊ဆင်းတုများကိုကျော်လွန်ပြီး မြတ်စွာဘုရားရဲ့ တကယ့်ရုပ်သွင်နဲ့ဂုဏ်တော်များ၊ ကျေးဇူးတော်များပေါ်လွင်အောင် ကြည့်ရှုကြရမှာ ဖြစ်ပါတယ်။

ဒါကြောင့်ပုံတော်၊ ဆင်းတုတော်တိုဟာ အထောက်အပံ့ ပစ္စည်းမျှသာဖြစ်တယ်။ ပုံတော်၊ဆင်းတုတော်တွေ မရှိဘဲနှင့်လဲ မြတ်စွာဘုရားရဲ့ ဂုဏ်တော်များကိုရည်မှန်းပြီး ရှိခိုးပူဇော်နိုင်ပါတယ်။မြတ်စွာဘုရားသက်တော်ထင်ရှားရှိစဉ်အခါကလည်း ဘုရားဂုဏ်တော်များကိုသာရည်မှန်းပြီး ပူဇော်ရပါတယ်။
မြတ်စွာဘုရားရဲ့ဂုဏ်တော်များဆီသို့ စိတ်ရောက်တာချင်းတူရင် အကျိုးကျေးဇူးကလည်း တူမှာပဲ။ဂုဏ်တော်များစုပေါင်းထားတဲ့ ဘုရားရှင်ကို ဉာဏ်နဲ့မြင်အောင် အာရုံပြုရမယ်။

ဒါကြောင့်ဗုဒ္ဓဘာသာဆိုတာ ရုပ်ပုံ၊ ရုပ်ထုတွေကို ဆည်းကပ်ကိုးကွယ်တဲ့ ဘာသာမဟုတ်ပါဘူး။ဒါက မသိ၊ နားမလည်သူတွေရဲ့ လွဲလွဲမှားမှား စွပ်စွဲမှုများသာ ဖြစ်ပါတယ်။
ဗုဒ္ဓဘာသာဝင်တွေဆည်းကပ်ကိုးကွယ်နေတာက အရဟံအစ ဘဂ၀ါအဆုံး အတုမရှိတဲ့ ဂုဏ်တော်များရဲ့ပိုင်ရှင်ဖြစ်တဲ့ ဗုဒ္ဓဘုရား၊ ထိုမြတ်စွာဘုရားဟောကြားညွှန်ပြခဲ့တဲ့မဂ်လေးတန်၊ ဖိုလ်လေးတန် နိဗ္ဗာန်ပရိယတ်လို့ဆိုတဲ့အတုမရှိ မြင့်မြတ်တဲ့ဓမ္မတရား၊ သစ္စာလေးပါး မြတ်တရားကို သိမြင်ကြပြီးတဲ့ အရိယာသံဃာများနဲ့မြတ်စွာဘုရားရဲ့ အဆုံးအမဩ၀ါဒအတိုင်း ကျင့်ကြံနေကြတဲ့ သမုတိသံဃာ၊ ဒီဘုရား၊တရား၊ သံဃာလို့ဆိုအပ်တဲ့ ရတနာမြတ်သုံးပါးပါပဲ။
ဒီလို ကိုးကွယ်ဆည်းကပ်ထိုက်တဲ့ အမြတ်ဆုံးရတနာ သုံးပါးဆိုတာ အခြားဘယ်မှာ ရှာဖွေလို့ ရနိုင်ပါတော့မလဲ။

(ဒေါက်တာမင်းတင်မွန်)

www.burmaborn.blogspot.com မှ

Sunday, April 26, 2009

မက္ကဆီကို၊ swine တုတ်ကွေးရောဂါပျံနှံ့၊ လူ၆၁ယောက်သေ၊ ၁၀၀၀ကူးစက်



မက္ကဆီကိုမှာ swine (ဆွိုင်း) အမည်ရှိ ဝက်တို့မှဖြစ်ပေါ်သော တုတ်ကွေးရောဂါ H1 N1ကြောင့် သောကြာနေ့မှာ လူ၆၁ယောက်သေဆုံးပြီး ၁၀၀၀ကျော်သို့ကူးစက်ခဲ့သည်။ မက္ကဆီကိုအစိုးရမှ လူစည်ကားရာအရပ်ဒေသများအားလုံးကို ဒီနေ့စနေနေ့မှာ ပိတ်ထားလိုက်သည်။ ကမ္ဘာ့ကျန်းမာရေးအသင်းကြီးက ရောဂါနှင့်ပတ်သက်၍စိုးရိမ်ဖွယ်အဆင့်ကို မမြှင့်ရန်ပြောကြားသော်ငြား၊ အမေရိကန်အစိုးရအနေဖြင့်ဆက်လက်စောင့်ကြည့်သွားမှာဖြစ်ကြောင်းနဲ့ ရောဂါဟာ ပျံပွားလျက်ရှိကြောင်းယူဆသည်

Thursday, April 16, 2009

မုန်တိုင်းလမ်းကြောင်း ရခိုင် မန္တလေး နဲ့ ရှမ်းပြည်နယ်ကိုကျော်ဖြတ်နိုင်

မုန်တိုင်းလမ်းကြောင်း ရခိုင် မန္တလေး နဲ့ ရှမ်းပြည်နယ်ကိုကျော်ဖြတ်နိုင်

"အထူးသတိပေးချက်"
ဆိုင်ကလုန်: ဘီဂျလီ ( Bijli) ၃၆ နာရီ အတွင်း မြန်မာပြည် ကုန်းတွင်းပိုင်းတွေ ကို စတင်တိုက်ခတ်တော့မည်



Saturday, April 4, 2009

နယူးယောက်ခ်ပစ်ခတ်မှု ၁၄ ဦး သေဆုံး


အမေရိကန်နိုင်ငံ နယူးယောက်ခ်က ဘင်ဟမ်တန်မှာရှိတဲ့ အေစီအေ လူဝင်မှုကြီးကြပ်ရေး ဗဟိုဌာနမှာ သေနတ်သမားတဦး ရဲ့ ပစ်ခတ်မှုကြောင့် လူပေါင်း ၁၃ ဦး သေဆုံးခဲ့ရပါတယ်။

သောကြာနေ့ သေနတ်ပစ်ခတ်မှုအပြီး အလောင်း ၁၄ လောင်း တွေ့ရတယ်လို့ ဘင်ဟမ်တန်ရဲချုပ် ဂျိုးဇက် ဇီကပ်စ်ကီး (Joseph Zikuski) က ပြောပါတယ်။ သေဆုံးသူတွေထဲမှာ သေနတ်နဲ့ပစ်ခတ်သူပါ ပါနေမယ်လို့ အာဏာပိုင်တွေက ယုံကြည် ပေမဲ့ အတည်မပြုသေးပါဘူး။ ဘာကြောင့်ပစ်ခတ်တယ်ဆိုတာလည်း မပြောသေးပါဘူး။

ပစ်ခတ်သူဟာ အေစီအေရုံးအနောက်ဘက် တံခါးပေါက်ကို သူ့ကားနဲ့ ပိတ်ရပ်ခဲ့ပြီး အရှေ့တံခါးမက၀င်ပြီး ပစ်ခတ်ခဲ့တယ် လို့ ရဲတွေက ပြောပါတယ်။ အရှေ့ပေါက်က ဧည့်ကြို ၂ ဦးကို အရင်ပစ်ခတ်ခဲ့ပြီး အမေရိကန်နိုင်ငံသား ခံယူဖို့ သင်တန်း တက်နေသူတွေရဲ့ အခန်းကိုအရောက် သင်တန်းသားတွေကို ထပ်မံပစ်ခတ်ခဲ့တာ ဖြစ်ပါတယ်။

သေဆုံးသူတွေထဲက ဧည့်ကြိုတဦးမှတပါး ကျန်အားလုံးရဲ့ အလောင်းတွေကို သင်တန်းခန်းမထဲမှာ တွေ့ရတယ်လို့ ရဲတွေက ပြောပါတယ်။

အမေရိကန်သမ္မတ ဘရက်ခ် အိုဘားမား (Barack Obama) က ဒီဖြစ်ရပ်အတွက် ထိတ်လန့်တုန်လှုပ်မိသလို သိပ်ကို ၀မ်းနည်းမိတယ်လို့ ပြောကြားပါတယ်။

အေစီအေရုံးဟာ အမေရိကန်နိုင်ငံကို ပြောင်းရွှေ့အခြေချသူတွေနဲ့ လာရောက် ခိုလှုံနေထိုင်သူတွေ အခြေကျဖို့၊ နိုင်ငံသား ဖြစ်ဖို့နဲ့ မိသားစုပြန်လည်ဆုံဆည်းဖို့ ကိစ္စတွေကို ဆောင်ရွက်ပေးနေတဲ့ရုံး ဖြစ်ပါတယ်။
From VOA News

Friday, April 3, 2009

ခဲဆိပ်သင့် မြန်မာတိုင်းရင်း ကလေးသူငယ်နာပျောက်ဆေး


မတ် ၂၆၊ ၂၀၀၉။ အခုရက်ပိုင်း မြန်မာနိုင်ငံတွင်း အစားအစာအချို့မှာ အန္တရာယ်ရှိတဲ့ဆိုးဆေးတွေ ပါဝင်နေတယ်ဆိုတဲ့ သတင်းကစပြီး မြန်မာအစားအစာတွေရဲ့ ဘေးကင်းစိတ်ချရမှုနဲ့ပတ်သက်လို့ မေးခွန်းထုတ်နေကြတဲ့အချိန်မှာပဲ၊ မြန်မာတိုင်းရင်းသားတွေအများအပြားရောက်ရှိနေတဲ့ အမေရိကန်ပြည်ထာင်စု ဖို့ဝိန်းမြို့မှာ မြန်မာတိုင်းရင်း ကလေးဆေးအချို့ထဲ ခဲဆိပ်သင့်နေတာတွေ့ရတယ်လို့ ကျန်းမာရေးအဖွဲ့အစည်းတွေက သတိပေးချက် ထုတ်ပြန်ပါတယ်။

ဖို့ဝိန်းရောက် မြန်မာကလေးတွေမှာ ခဲဆိပ်သင့်နေတာတွေကို အတော်ကြာကတည်းက သတိထားမိခဲ့ကြပါတယ်။ ဒါကြောင့် မြန်မာကလေးတွေရှိတဲ့ ပတ်ဝန်းကျင်ကိုရော၊ မြန်မာကလေးတွေ စားသုံးတဲ့အစားအစာ ဆေးဝါးတွေကိုပါ ကျန်းမာရေးဌာနတွေက စစ်ဆေးခဲ့ကြပါတယ်။ နောက်ဆုံးမှာတော့ မြန်မာအများသုံးစွဲလေ့ရှိတဲ့ ကလေး ဘယဆေး နှစ်မျိုးမှာ ခဲနဲ့ အာဆင်းနစ် ပါဝင်မှု မြင့်မားနေတာ ဓါတ်ခွဲတွေ့ရှိပါတယ်။

ဒေါ်တွေး ဂေါမုတ္တဆေးနဲ့ ဒေါ်ကျင်သူငယ်နာဝမ်းနုတ်ဆေးတွေမှာ အဆိပ်သင့်တာတွေ တွေ့ရတယ်ဆိုပြီး အင်ဒီယားနားပြည်နယ် ဖို့ဝိန်းမြို့က St.Joseph Community ကျန်းမာရေးစောင့်ရှောက်မှုအဖွဲ့က သတိပေးချက် ထုတ်ပြန်ပါတယ်။ ဒါကြောင့် မြန်မာနိုင်ငံတလွှား အသုံးများတဲ့ ကလေးသူငယ်နာပျောက်ဆေးလို မြန်မာတိုင်းရင်းဆေးတွေရဲ့ ကျန်းမာရေးညီညွတ်မှု စံချိန်စံညွန်းတွေအပေါ် မေးခွန်းထုတ်စရာ ဖြစ်လာပါတယ်။
form VOA news

Thursday, March 19, 2009

ဒုက္ခသည်စခန်းများ ပိတ်ရန် ကရင်ခွဲထွက်အဖွဲ့ တောင်းဆို


[အုန်းဖျံ ဒုက္ခသည်စခန်း (ဓာတ်ပုံ - Dan Caspersz)]
Thursday, 19 March 2009 18:41 ဧရာဝတီ
ကရင်အမျိုးသား အစည်းအရုံး (KNU) မှ ခွဲထွက်သွားသော အဖွဲ့တခုက ထိုင်း-မြန်မာ နယ်စပ်ဒေသမှ ဒုက္ခသည် စခန်းများကို ဖျက်သိမ်းပြီး ဒုက္ခသည်များကို နေရပ်ရင်းသို့ ပြန်ပို့ရန် တောင်းဆို လိုက်ကြောင်း ဧရာဝတီက ရရှိသည့် အစီရင်ခံစာ တစောင်အရ သိရသည်။
“လက်နက်ကိုင်တိုက်ပွဲများ ပြီးဆုံးပြီ ဖြစ်သောကြောင့် ကရင်တိုင်းရင်းသားများ မွေးရပ်မြေသို့ ငြိမ်းချမ်းစွာ ပြန်လည် နေထိုင်ရန်အတွက် နိုင်ငံတကာ အသိုင်းအ၀န်းက ၀င်ရောက် ကူညီဆောင်ရွက်ပေးသင့်သည်”ဟု KNU/KNLA ငြိမ်းချမ်းရေးကောင်စီက ကုလသမဂ္ဂ လူ့အခွင့်အရေး အထူးကိုယ်စားလှယ် မစ္စတာ တောမတ် စ် အိုဟေး ကင်တာနာ သို့ ပေးပို့သည့် အစီရင်ခံစာတွင် ရေးသားထားသည်။ ပြီးခဲ့သည့်လက မစ္စတာ ကင်တာနာ ကရင်ပြည်နယ်သို့ ရောက်ရှိစဉ်က ပေးအပ်ခဲ့ခြင်းဖြစ်သည်ဟု သိရသည်။

ဒုက္ခသည်များကို နေရပ်ရင်းပြန်သည့်အခါ လုံခြုံရေးအတွက် ၎င်းတို့ငြိမ်းချမ်းရေးကောင်စီ၊ မြန်မာစစ်အစိုးရတို့နှင့် ပူးပေါင်း ဆောင်ရွက်ရန် ထိုင်းနိုင်ငံနှင့် ကုလသမဂ္ဂတို့ကို တိုက်တွန်းကြောင်း အစီရင်ခံစာက ဆိုသည်။

ကုလသမဂ္ဂ၏ ထိုင်းမြန်မာနယ်စပ်ဒေသရှိ ဒုက္ခသည်အစီအစဉ်သည် အကျင့်ပျက် လာဘ်စားမှုများ ပေါ်ပေါက်သည့် နေရာ ဖြစ်နေသည်ဟု ငြိမ်းချမ်းရေးကောင်စီက ဆိုသည်။ အဆိုပါ ဒုက္ခသည်အစီအစဉ်ကြောင့် အကြမ်းဖက်မှုများ၊ လိင်လုပ်ငန်းများ၊ လူကုန်ကူးခြင်းများ၊ မူးယစ်ဆေးကုန်သွယ်မှုများကို တိုးပွားစေသည်ဟု ဆိုသည်။

အနောက်နိုင်ငံများသို့ သွားရောက်လိုသောကြောင့် ဒုက္ခသည်စခန်းအတွင်း ရောက်ရှိနေသော “ဒုက္ခသည်အတုများ” အကြောင်းကိုလည်း အစီရင်ခံစာက ထောက်ပြထားသည်။ အကျင့်ပျက် လာဘ်စားသော စခန်းအာဏာပိုင်တို့က အဆိုပါအစီအစဉ်များကြောင့် အကျိုးအမြတ် ရနေကြသည်ဟု ဆိုသည်။

KNU/KNLA ငြိမ်းချမ်းရေးကောင်စီသည် ၂၀၀၇ ခု နှစ်ဆန်းပိုင်းက KNU မှ ခွဲထွက်ခဲ့သော အဖွဲ့တခု၏ အမည်ဖြစ်သည်။ အဖွဲ့ခေါင်းဆောင်မှာ ဗိုလ်မှူးချုပ် ထိန်မောင်ဖြစ်သည်။ ၎င်းသည် ကွယ်လွန်သူ KNU ခေါင်းဆောင် ဗိုလ်ချုပ်ကြီး စောဘိုမြနှင့် ဆွေမျိုး တော်စပ်သူ ဖြစ်သည်။

KNU အဖွဲ့၊ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး၊ ထိုင်းနိုင်ငံရောက် မြန်မာ့အရေး လုပ်ကိုင်နေသည့် အဖွဲ့များ၊ ဒေသခံ ထိုင်းအာဏာပိုင်များကြောင့် ထိုင်းမြန်မာနယ်စပ်ဒေသတွင် မငြိမ်မသက် ဖြစ်နေရသည် ဟုလည်း ငြိမ်းချမ်းရေးကောင်စီက စွပ်စွဲထားသည်။

ငြိမ်းချမ်းရေးကောင်စီ၏ အစီရင်ခံစာ၌ အသံလွှင့်ဌာနတွင် လုပ်ကိုင်နေသူများ၊ ပြည်ပရောက် သတင်းသမားများကိုလည်း ဝေဖန် တိုက်ခိုက်ထားသည်။

“BBC, VOA, RFA အသံလွှင့်ဌာနများ၊ ဧရာဝတီမဂ္ဂဇင်း နှင့် တခြားသူများသည် ထိုင်းနယ်မြေတွင် တရားမ၀င်နေထိုင်ကာ မဟုတ်မှန်သည့် ထုတ်လွှင့်မှုများ၊ ၀ါဒဖြန့်ချိမှုများ၊ သတင်းလိမ်များ၊ မှားယွင်းသည့် စွပ်စွဲချက်များဖြင့် မငြိမ်မသက် ဖြစ်စေရန် ဆောင်ရွက်နေကြသည်၊ ကျွန်ုပ်တို့၏ နယ်စပ်ဒေသတလျှောက်တွင် အကြမ်းဖက်လုပ်ရပ်များကို မြှင့်တင်ပေးရန်၊ အကာအကွယ်ပေးရန် လုပ်ကိုင်နေကြသည် - - - - အပြစ်မဲ့ ကရင်တိုင်းရင်းသားများ နှင့် ထိုင်း (ပြည်သူ) များ ဒုက္ခတွေ့နေကြရသည်”ဟု ငြိမ်းချမ်းရေးကောင်စီက ဆိုသည်။

နယ်စပ်တွင် လုပ်ကိုင်နေသော နိုင်ငံတကာ အကူအညီပေးရေးအဖွဲ့များသည် “အကြမ်းဖက်သမားများကို တိုက်ရိုက် သို့မဟုတ် သွယ်ဝိုက်ပြီး ထောက်ပံ့နေသည်” ဟုလည်း KNU/KNLA ငြိမ်းချမ်းရေးကောင်စီက အပြစ်တင်လိုက်သည်။
ခရစ်ယာန်အဖွဲ့အစည်းများ၊ အကူအညီပေးရေး အန်ဂျီအိုအဖွဲ့များ နှင့် ကုလသမဂ္ဂတို့သည် “ဒုက္ခသည် အခြေအနေများကို အမြတ်ထုတ်နေပြီး ငွေကြေး ရရှိရန် ကိုယ့်ကိုယ်ကိုယ် အမွှမ်းတင်လျက်ရှိသည်” ဟု စွပ်စွဲလိုက်သည်။ အကြမ်းဖက် လုပ်ငန်းကို ထောက်ပံ့နေကြသည်ဟု ဆိုသည်။

သို့သော်လည်း KNU ခွဲထွက်အဖွဲ့က တိမ်းရှောင်နေကြရသည့် ရွာပုန်းရွာရှောင် ၄၅၀ ၀၀၀ ကျော်နှင့် ပတ်သက်ပြီး အစီရင်ခံစာတွင် ဖော်ပြထားခြင်း မရှိပေ။ ရွာပုန်းရွာရှောင် အများစုမှာ ကရင်တိုင်းရင်းသားများ ဖြစ်သည်။ ပဋိပက္ခ ဖြစ်ပွားနေသော မြန်မာပြည် အရှေ့ဘက်ပိုင်းတွင် စစ်ရေးလှုပ်ရှားမှုများကြောင့် ကျေးလက်ဒေသမှ ပြည်သူများ နှစ်စဉ် သိန်းနှင့်ချီပြီး ထွက်ပြေးနေရသည်ဟု လူ့အခွင့်အရေးအဖွဲ့များက ဆိုသည်။

မစ္စတာ ကင်တာနာ ၏ ကရင်ပြည်နယ်ခရီးစဉ်နှင့် ပတ်သက်ပြီး ယခုလ ၁၃ ရက်နေ့ထုတ် မြန်မာ့အလင်း သတင်းစာတွင် ဆောင်းပါးတစောင် ပါဝင်ရာ မြန်မာအစိုးရသည် ကရင်ပြည်နယ်တွင် ငြိမ်းချမ်းရေး ပြန်လည် တည်ဆောက်ရန် ကြိုးစားနေကြောင်း ရေးသားထားသည်။

“တရားဥပဒေဘောင် အတွင်း ဝင်ရောက်လာသည့် အဖွဲ့များကလည်း ဒေသဖွံ့ဖြိုးရေးနှင့် တည်ငြိမ် အေးချမ်းရေးအတွက် ငြိမ်းချမ်းရေး၏ အနှစ်သာရကို ထိန်းသိမ်း စောင့်ရှောက်လျက်ရှိကြောင်း၊ Mr. Quintana ခရီးစဉ်မှ တဆင့် နိုင်ငံတကာသို့ သတင်းစကား ပါးလိုက်နိုင်ပါသည်”ဟု ဆောင်းပါးတွင် ဖော်ပြထားသည်။

ကရင်ပြည်နယ် ခရီးစဉ်အတွင်း မစ္စတာ ကင်တာနာသည် KNU ခွဲထွက်အဖွဲ့ ၃ ဖွဲ့ နှင့် တွေ့ဆုံခဲ့သည်။

အပြည်ပြည်ဆိုင်ရာလွတ်ငြိမ်းချမ်းသာခွင့်အဖွဲ့ ကဲ့သို့သော လူ့အခွင့်အရေးအဖွဲ့များကမူ စစ်အစိုးရ၏ မြန်မာပြည်အရှေ့ပိုင်း ထိုးစစ်ဆင်မှုများမှာ လူသားမျိုးနွယ်စု အပေါ် ကျူးလွန်သည့် ရာဇ၀တ်မှုမြောက်ကြောင်း စွပ်စွဲ ပြောဆိုလျက်ရှိသည်။

တနင်္လာနေ့တွင် မစ္စတာ ကင်တာနာက ကုလသမဂ္ဂ လူ့အခွင့်အရေး ကောင်စီသို့ မြန်မာနိုင်ငံနှင့်ပတ်သက်ပြီး အစီရင်ခံခဲ့သည်။ ထိုသို့ အစီရင်ခံရာတွင် ပဋိပက္ခ ဒေသများ အထူးသဖြင့် ကရင်ပြည်နယ်တွင် အရပ်သားများအား တိုက်ရိုက် တိုက်ခိုက်မှုများမှ တားမြစ်နိုင်သည့် နိုင်ငံတကာ လူ့အခွင့်အရေး နှင့် လူသားချင်းစာနာမှုဆိုင်ရာ ဥပဒေကို လေးစားလိုက်နာရန် မစ္စတာ ကင်တာနာက စစ်အစိုးရကို တိုက်တွန်းသွားသည်။

အံ့သြဖွယ်ကောင်းသော တန်ဂါကျွန်း ပင်လယ်အောက် မီးတောင်ပေါက်ကွဲမှု

Tuesday, March 3, 2009

ရန်ကုန်လက်ဝှေ့ပွဲ ဆူပူမှုဖြစ် ပြိုင်ပွဲမီးမှောင်ချပြီး ၀န်ကြီးကို ကာကွယ်ပေးရ NEJ /၃ မတ် ၂၀၀၉


အားကစားဝန်ကြီး ဗိုလ်မှူးချုပ်သူရအေးမြင့် လက်ဝှေ့ပွဲ ကြည့်ရှုနေစဉ် ဆူပူမှုတရပ် ဖြစ်ပွားခဲ့ကြောင်း အဆိုပါပွဲကို ကိုယ်တိုင်သွားရောက်ကြည့်ရှုခဲ့သူများက ပြောသည်။

မတ်လ (၁) ရက်က ရန်ကုန် သုဝဏ္ဏ အားကစားရုံတွင် ကျင်းပသည့် ဒဂုံရွှေအောင်လံ လက်ဝှေ့ပြိုင်ပွဲအတွင်း ဖြစ်ပွားခဲ့ခြင်းဖြစ်သည်။ ပရိသတ်များ ဆူပူလာသည့်အတွက် ခန်းမကို မီးမှောင်ချပြီး လက်ဝှေ့ပွဲကြည့်နေသည့် အားကစားဝန်ကြီး ဗိုလ်မှူးချုပ် သူရအေးမြင့်အား လုံခြုံရေးများက အကာအကွယ်ပေးခဲ့ရကြောင်း ကိုယ်တိုင်ကြုံ တွေ့ခဲ့ရသူတဦးက ပြောသည်။

၎င်းက “အဲဒီနေ့က လက်ဝှေ့ပွဲ နောက်ဆုံးပွဲစဉ်ဖြစ်တဲ့ စောငမန်းနဲ့ လုံးချော (ညောင်တုန်း) ထိုးတဲ့ပွဲမှာ ဖြစ်တာ။ သူတပြန် ကိုယ်တပြန် ထိုးနေတုန်း စောငမန်း လဲကျနေတဲ့အချိန် လုံးချောက ညစ်ပြီး ဒူးနဲ့တိုက်ဖို့ ကြိုးစားတာ။ ပရိသတ်က အားလုံးတွေ့နေရတော့ လုံးချောညစ်တယ်ဆိုပြီး ဆဲလည်းဆဲ၊ ရေသန့်ဘူးတွေ၊ ရေခဲအိတ်တွေ အချိုရည်ဘူးခွံတွေနဲ့ စင်ကို ဝိုင်းပေါက်ကြတာ။ အဲဒီအချိန် ဗိုလ်မှူးချုပ် သူရအေးမြင့်လည်း ပွဲကြည့်နေတယ် ဆိုတော့ ခန်းမကြီးတခုလုံးကို မီးမှောင်ချလိုက်ရတယ်။ မိနစ်တချို့ကြာပြီးနောက် မီးပြန်လင်းလာပြီး ဒိုင်ချုပ်က ပရိသတ်ကို အကယ်၍ စည်းကမ်းချိုးဖောက်တာ ရှိခဲ့ရင် အမှတ်လျှော့မယ်၊ အရှုံးပေးပါ့မယ်၊ ပရိသတ်ကြီး ကျေနပ်ကြပါဆိုပြီး တောင်းပန်တယ်။ မီးမှောင်ပြီး ရေသန့်ဘူးတွေ ပလူပျံနေတုန်းမှာ ဝန်ကြီးကို လုံခြုံရေးရဲတွေ ရောက်လာပြီး အကာအကွယ်ပေးကြတယ်။ လက်ဝှေ့ကြိုးဝိုင်းနားမှာ ကြည့်နေတဲ့ အချို့စစ်အရာရှိတွေကတော့ ခုံအောက်ကြမ်းပြင်ပေါ်မှာ ဝပ်နေကြတာ တွေ့ရတယ်” ဟု ပြောသည်။

အဆိုပါပွဲပြီးသည့်နောက် လုံးချောနဲ့ စောငမန်း တယောက်ကို တယောက် အလဲထိုးနိုင်ခြင်း မရှိသည့်အတွက် အမှတ်ပေးဆုံးဖြတ်သည်။ အမှတ်ပေးဒိုင် (၃) ဦးစလုံးက စည်းကမ်းချိုးဖောက်၍ ပရိသတ်များ အော်ဟစ် ဆန္ဒပြခဲ့သည့် လုံးချောကို အရှုံးပေးပြီး စောငမန်းကို အနိုင်ပေးခဲ့ရသည်။

အဆိုပါပွဲကို ကြည့်ရှုခဲ့သူ နောက်ပရိသတ်တဦးကလည်း အဆိုပါပွဲကိုကြည့်ရင်း မြန်မာလူမျိုးများ၏ မတရားမှုကို လက်ပိုက်ထိုင်ကြည့်မနေတတ်သည့် စိတ်ထား ပေါ်လွင်ကြောင်း၊ ဝန်ကြီးတပါး ထိုင်နေသည်ကိုပင် ဂရုမစိုက် မကြောက်ဘဲ ဆူပူဆန္ဒပြရဲကြကြောင်း၊ ထို့ကြောင့် ရလဒ်သည်လည်း ပရိသတ်လိုလားသည့် ရလဒ် ဖြစ်ခဲ့ကြောင်း၊ အကယ်၍ ဒိုင်များကသာ လုံးချောကို အနိုင်ပေးလိုက်ပါက ရုံထဲတွင် ၎င်းထက်ကြီးသည့် အဓိကရုဏ်းတခု မြင်တွေ့ရနိုင်ဖွယ်ရှိကြောင်း စသဖြင့် ပြောပြသည်။

စစ်အစိုးရ အုပ်ချုပ်နေသည့် မြန်မာနိုင်ငံတွင် ယခုကဲ့သို့ စစ်အရာရှိ ဝန်ကြီးတဦးရှိနေချိန် ဆူဆူပူပူ ဖြစ်ပွားခြင်းမှာ ဖြစ်တောင့်ဖြစ်ခဲ ဖြစ်ရပ်ဖြစ်သည်။ ယခင်ကသာ ယခုကဲ့သို့ ဖြစ်ရပ်မျိုး ဖြစ်ပွားခဲ့လျှင် လုံခြုံရေးရဲတပ်ဖွဲ့ဝင်များက ဆူပူသူများကို ရှာဖွေဖမ်းဆီးအရေးယူမည် ဖြစ်သော်လည်း ယခုဖြစ်ရပ်တွင်မူ မတရားမှုကို မနှစ်သက်သည့် ပရိသတ်အင်အားက ကြီးမားနေသဖြင့် မည်သို့မျှ အရေးယူနိုင်ခြင်း မရှိကြောင်း စုံစမ်းသိရသည်။

အဆိုပါနေ့က အားကစားရုံထဲတွင် ပရိသတ် (၂,ဝဝဝ) ကျော်ခန့်ရှိသည်။

From New Era Journal

Sunday, January 25, 2009

ဦးသန့် ရာပြည့်အခမ်းအနား ရန်ကုန်မြို့ တွင် ကျင်းပ


ကွယ်လွန်သူ ကုလသမဂ္ဂ အထွေထွေအတွင်းရေးမှုးချုပ် ဦးသန့်ရဲ့  နှစ် ၁၀ဝ ပြည့်မွေးနေ့ပွဲကို ရန်ကုန်မြို့  အင်ယားကန် ဟိုတယ်မှာ ဇန်နဝါရီလ ၂၂ ရက်က ကျင်းပခဲ့ပြီးတော့ ကုလသမဂ္ဂကိုယ်စားလှယ်တွေ၊ နိုင်ငံတကာသံတမန်တွေ၊ အတိုက်အခံအင်အားစုတွေ နဲ့ စစ်အစိုးရတာဝန်ရှိသူတွေ တက်ရောက်ခဲ့ပါတယ်။

ဦးသန့်ဟာ မြန်မာနိုင်ငံသားတွေထဲမှာ ရှားရှားပါးပါး ကမ္ဘာ့ထိပ်တန်းခေါင်းဆောင် အဖြစ် ၁၉၆၁ ခုနှစ် ကနေ ၁၉၇၁ ခုနှစ် အထိ ကုလသမဂ္ဂ အထွေထွေအတွင်းရေးမှုးချုပ် အဖြစ် သက်တမ်း နှစ်ကြိမ် တာဝန်ယူခဲ့ပါတယ်။ ဦးသန့် အတွင်းရေးမှုးချုပ် အဖြစ် တာဝန်ထမ်းဆောင်နေချိန်မှာ ကျူးဘားဒုံးပျံကိစ္စ (Cuba Missile Crisis) ၊ ကွန်ဂိုပြည်တွင်းစစ် (Congo Crisis) နဲ့ အမေရိကန်-ဗီယက်နမ်စစ်ပွဲ (US-Vietnam War) စတဲ့ ကမ္ဘာ့အရေးအခင်းတွေကို ဖြေရှင်းနိုင်ခဲ့ပြီးတော့ မြန်မာပြည်သား ဦးသန့်လို့ ကမ္ဘာမှာ ထင်ရှားခဲ့ပါတယ်။ လက်ရှိအတွင်းရေးမှူးချုပ် ဘန်ကီမွန်း (Ban-ki Moon) ကလည်း ဦးသန့်ကို ဂုဏ်ပြုကြောင်း သဝဏ်လွှာပေးပို့ခဲ့ပြီးတော့ ကုလသမဂ္ဂရဲ့  ဦးသန့်တံဆိပ်ခေါင်းကို ဖေဖေါ်ဝါရီလမှာ ထုတ်ဝေမှာပါ။

၁၉၇၄ ခုမှာ ကင်ဆာရောဂါ နဲ့ ဦးသန့် ကွယ်လွန်လို့ မြန်မာပြည်မှာ သဂြိုလ်ဖို့ အမေရိကန်နိုင်ငံကနေ ရုပ်အလောင်း ပြန်သယ်လာခဲ့ရာ ဗိုလ်ချုပ်နေဝင်းအစိုးရက သာမန်ဈာပနပဲ ကျင်းပပေးခဲ့တဲ့အတွက် တက္ကသိုလ် ကျောင်းသားတွေရဲ့  တောင်းဆို ဆန္ဒပြခဲ့တာကြောင့် ၁၉၇၄ ဦးသန့် အရေးအခင်းဆိုပြီး ထင်ရှားတဲ့ဆန္ဒပြမှုကြီး ဖြစ်ပွါးခဲ့ပါတယ်။

တင်းကျပ်တဲ့ စစ်အစိုးရအောက်မှာ ဒီလိုအခမ်းအနားတွေ ကျင်းပခွင့် ရှားပါးလှပြီးတော့ အခု ဦးသန့်ရာပြည့်ပွဲ ကို ဦးသန့်ရဲ့  သမီးဖြစ်သူ ဒေါ်အေးအေးသန့်က စီစဉ်ကျင်းပခဲ့တာပါဖြစ်ပါတယ်။

Wednesday, January 21, 2009

ရေမျောမြန်မာနှစ်ဦးကို ငှက်ကြီးနှစ်ကောင် အစာ အန်ပေးခဲ့


ကြီးမားတဲ့ ရေခဲပုံးထဲမှာနေရင်း ပင်လယ်ပြင်ထဲ ၂၅ ရက်ကြာခဲ့တဲ့ မြန်မာငါးဖမ်းသမားနှစ်ဦးက သူတို့ဟာ အသက်ဆက်ရေး အတွက် မိုးရေနဲ့ ငါး ရှာစားတဲ့ ငှက်တွေ အန်ထုတ်လိုက်တဲ့ ငါးအပိုင်းအစတွေကို စားပြီး အသက်ရှင်ခဲ့တယ်လို့ ပြောပါတယ်။

သြစတြေးလျနိုင်ငံ Sydney Morning Herald သတင်းစာကြီးနဲ့ တွေ့ဆုံမေးမြန်းခန်းမှာ ပြောဆိုလိုက်တာဖြစ်ပါတယ်။ သူတို့နှစ်ဦးဟာ ဒီ ရေခဲပုံးထဲမှာနေ မိုးရေ သောက်ပြီး ပထမ ဆယ်ရက်လောက် ပင်လယ်ထဲ မျောနေခဲ့တယ်လို့ ပြောထားပါတယ်။ ဒီနောက်တော့ ကြီးမားတဲ့ ပင်လယ်ငှက်ကြီးနှစ်ကောင် ရောက်လာပြီး အန်လိုက်တဲ့ ငါးသေးသေးလေးတွေကို စားသုံးခဲ့တယ်လို့ ပြောပါတယ်။ သူတို့ ငါးဖမ်းသင်္ဘောမှာ ထိုင်းနဲ့ မြန်မာ ငါးဖမ်းသမား ၂၀ ပါရှိပြီး ဒီဇင်ဘာ ၂၃ ရက်နေ့က ပင်လယ်ပြင်ထဲမှာ နစ်မြုပ်ခဲ့တာလို့ ပြောပါတယ်။ အဲဒီကနေ သူတို့နှစ်ဦး ရေခဲပုံးထဲဝင်ပြီး ပင်လယ်ထဲမျော အသက်ရှင်နေတာဖြစ်ပါတယ်။

သူတို့နှစ်ဦးကို သြစတြေးလျ နဲ့ ပါပူဝါ နယူးဂီနီ အကြားမှာရှိတဲ့ တိုရီ ရေလက်ကြားထဲမှာ ပုံမှန်ကင်းလှည့်နေတဲ့ ကမ်းရိုးတန်းစောင့် လေယာဉ်ကနေ တွေ့ပြီး စနေနေ့က ကယ်တင်နိုင်ခဲ့တာ ဖြစ်ပါတယ်။ သူတို့ကို ကယ်တင်မိတဲ့အချိန်မှာ ရေဓါတ်အားနည်းနေလို့ ဆေးရုံတင် ကုသခဲ့ရပြီး၊ အင်္ဂါနေ့ကတော့ Queensland ဆေးရုံက ပြန်ဆင်းလာနိုင်ခဲ့ပါတယ်။

ဒီငါးဖမ်းသမားနှစ်ဦးဟာ ဘယ်ကလာသလဲ၊ ဘယ်နိုင်ငံသားတွေလဲ ဆိုတာကိုတော့ အတည်ပြုဖို့ အချိန်ယူရဦးမယ်လို့ အာဏာပိုင်တွေက ပြောပါတယ်။

Thursday, January 15, 2009

လေယာဉ် မြစ်ထဲကို ဆင်းသက်လိုက်ရခြင်း

( ဓါတ်ပုံ- လေယဉ်မှုးနဲ့  မြစ်ထဲမှာ ပေါ်လောပေါနေတဲ့ ယူအက်စ်အဲဝေး- ၁၅၄၉)

ဒီနေ့  မွန်းလွဲ ၃ နာရီခန့် က အင်ဂျင် ၂ လုံးတပ် အေ ၃၂၀ အဲယားဘက်စ် အမျိုးအစား ယူအက်စ် အဲဝေး နံပတ် ၁၅၄၉ ဟာ နယူးယောက်ကနေ မြောက်ကရို လိုင်းနားကို ပျံသန်းဖို့ အတက်မှာ ဘဲတကောင်က လေယာဉ်အင်ဂျင် ထဲကို ၀င်သွား တဲ့အတွက်လေယဉ်စက်ချို့ ယွင်းပြီး ဟတ်ဒ်ဆန် မြစ် (Hudson River ) ထဲကို အရေးပေါ်ဆင်းသက်လိုက်ရပါတယ်။ လေယဉ်မှုးရဲ့ ကျွမ်းကျင် မှုကြောင့် ခရီးသည် ၁၅၅ ယောက်စလုံး အသက် အန္တရယ်မှ ကင်းလွတ်ခဲ့ရပါတယ်။

လေယဉ်မှုးက အင်ဂျင်ထဲကို ငှက်ဝင်သွားတဲ့အခါမှာ လေကြောင်း ထိမ်းသိမ်းရေး စခန်းကို အကြောင်းကြား လိုက်ပြီး အရေးပေါ်ဆင်းသက်မှုလုပ်ရတော့မယ်လို့ ဆိုပါတယ်။ ခရီးသည် ၁၅ ယောက်ကိုတော့ ဆေးရုံပေါ်တင်လိုက်ရတယ်လို့ ဆိုပါတယ်။ လေယဉ်ပေါ်ပါလာတဲ့ခရီးသည် တဦး အဆိုအရ ခရီးသည်တွေ အားလုံးဟာ ဘုရားတနေကြပြီး အချင်းအချင်း ဖေးမကူညီမှုတွေလုပ်နေကြပြီ ကျနော် ထင်တာက လေယာဉ် ဇောက်ထိုး ကျပြီး တစစီ ပေါက်ကွဲပြီလို့အောင့်မေ့မိခဲ့တယ်လို့ဆိုပါတယ်။ နောက်ခရီးသည်တဦးကလည်း လေယာဉ်မှုး က အတော့ကို ကျွမ်းကျင်တယ် ရေထဲကို ၀ဲပြီး ညင်းညင်းသာ သာ ဆင်းလိုက်နိင် ခဲ့ တယ် လို့ဆိုပါတယ်။ ဒီနေ့က အအေးဆုံးနဲ့ မြစ်ကလည်း ရေခဲတမျှ အေးစက်နေပါတယ်။

လေယာဉ်မှူး ဆူလန်ဘာဂါ ( Sullenberger) လေယာဉ်ထဲ မှာ ခရီးသည် ရှိမရှိ (၂) ကြိမ်တိုင်တိုင် စစ်ဆေးပြီးမှ နစ်မြုပ်နေတဲ့ လေယာဉ်က ထွက်လာခဲ့တယ်။ နယူးယောက် မြို့တော်ဝန်နဲ့ အုပ်ချူပ်ရေးမှူးတွေ ကတော့ သူကို သူရဲကောင်း တယောက် လို့ ချီးမွမ်းခဲ့ကြတယ်။

Tuesday, January 13, 2009

D.K.B.A ?

ဒီကေ ဘီအေ ဘယ်လမ်းရွေးမလဲ

၂၀၁၀ ကတော့ နိင်ငံရေးအဖွဲ့ စည်းတွေအတော်ကို အကြပ်ရိုက်နေကြပါတယ်။ ဒီထဲမှာ Karen Democratic
Buddish Association ( DKBA) ကရင် ဗုဒ္ဓ ဘာသာ အဖွဲ့ လည်းပါတယ်။ ဒီကေဘီအေ က နအဖ လက်ကိုင် ဒုတ် နယ်ခြားစောင့် လက်နက်ကိုင် အဖွဲ့ အဖြစ်သို့ ပြောင်းလဲသွားမည် ဟု သတင်းများ ထွက်ပေါ်နေပါတယ်။ ကရင်လူမျိုးတွေထဲမှာ ဗုဒ္ဓ ဘာသာဝင်တွေဟာ အများစုဖြစ်ပါတယ်။ ၁၉၉၅ ခုနစ်ဝန်းကျင်မှာ ကရင်အမျိုးသား အစည်းအရုံးထဲက ဗုဒ္ဓဘာသာ ကရင်တွေ ဟာ ခရစ်ယန်တွေ ဦးဆောင်နေတဲ့ ကရင်အမျိုးသားအစည်းအရုံးက နေခွဲထွက်သွားတယ်နဲ့ ပတ်သက်လို့  အဓိက အကြောင်း ပြချက် ၃ ခုရှိခဲ့တယ်။

၁- ကရင်အမျိုးသားအစည်းအရုံးဝင်ခေါင်းဆောင်အများစုက ခရစ်ယာန်တွေဖြစ်တယ်။
ဗုဒဘာသာဝင်ဆိုရင် ခေါင်းဆောင်မဖြစ်နိင်ဘူး
၂- ဗုဒ္ဓဘာသာ ဆိုင်ရာနေ့ ကြီးရက်ကြီးတွေ ကို ကေအင်ယူကလုပ်မပေးဘူး။
၃- ခေါင်းဆောင်ပိုင်းက အခွင့်အရေးတွေရနေတယ်။အောက်ခြေက ဘာအခွင့်အရေးမှမရဘူးဆိုတဲ့
အကြောင်းပြချက်တွေဖြစ်ပါတယ်။

ဒီကာလက သူတို့ စွပ်စွဲချက်တွေ အတိုင်း ကေအင်ယူမှာ ဖြစ်ပေါ်နေပါတယ်။ ကေအင်ယူက ဒီအခြေအနေတွေကို ပြုပြင်ပြောင်းလဲမှုတွေအချိန်မှီမလုပ်နိင်ခဲ့ပါဘူး။ ဒါက ကေအင်ယူအတွက် အက်ကြောင်း (Fault Line) လို့  ဗိုလ်ချုပ်ခင်ညွန့် ခေါင်းဆောင်တဲ့ ထောက်လှမ်းရေးတွေက ရှာဖွေတွေ့ ရှိခဲ့တယ်။ ဒီတော့ အောက်ခြေ ကေအင်ယူထဲကို သပ်လျို လ်ဖြိုခွဲ ဖို့ အတွက် ချဉ်းကပ်လာပါတယ်။ မနပုလော အနီး မှာကျောင်းထိုင်နေတဲ့ မြိုင်ကြီးငူ ဆရာတော်ဟာ ထိုင်းနိင်ငံမယ်စရီးယန်း မြို့ ကိုလာလေ့ရှိတယ်။ သူကို ထောက်လှမ်းရေးကကပ်ပါတယ်။ ဒီလိုကပ်တဲ့အခါမှာ ဘုန်းကြီးတပါးကိုအသုံးပြုခဲ့ပါတယ်။ ဒီဖုန်းကြီးက ထောက်လှမ်းရေးလို့ ယူဆရတယ်။ အသက် ၃၅ နစ်ဝန်းကျင်ဖြစ်ပါတယ်။ သူ က မနပုလောအနီးရှိ မြိုင်ကြီးငူကျောင်းအထိ လိုက်လာပြီး နေပါတယ်။ သူက ရှေ့ ကိုမထွက်ပဲနောက်ကနေ မြိုင်ကြီးငူ ဘုန်းကြီး လှုံ့ ဆော်ခဲ့ပါတယ်။ နောက်တော့ ကေအင်ယူ ကနေ ခွဲထွက်သွားကြပါတယ်။

မနပုလော ခံစစ်ကြောင်းမှာ အဓိကတိုက်နေတဲ့ ကရင်အတွင်း ဗုဒ္ဓဘာသာနဲ့ ခရစ်ယန်နစ်ဖွဲ့  ကွဲ သွား တဲ့အတွက် မုနပုလောဟာ ရန်သူလက်ကို ကျသွားပါတယ်။ ဗုဒ္ဓဘာသာကရင် ရဲဘော်တွေက ဒီကေဘီအေ ကို တည်ထောင်လိုက်တယ်။ သူတို့ ရည်ရွယ်ချက်ကတော့

၁- ကရင်လူထုအကျိုးစီးပွားကို ကာကွယ်ဖို့ 
၂- ဗုဒ္ဓဘာသာကို ပျံပွားအောင်လုပ်ဖို့ 

၁၀ နစ်ကျော်ကြာ ပြီးသွားတဲ့အခါမှာ သူတို့ ရည်မှန်းချက်တွေကိုလုပ်လာနိင်ပါပြီလား။

၁-ကရင်ပြည်နယ်အတွင်းနဖအ တပ်တွေရဲ့  ကျူးကျော်စော်ကား လူအခွင့်ရေးချိုးဖေါက်မှုတွေ
ကို မကာကွယ်နိင်ခဲ့ဘူး။
၂- ကရင်လူထု လူနေမှုဘ၀ ( စီးပွားရေး၊ ကျမ္မရေး၊ ပညာရေး၊ လျှပ်စစ်မီး၊
လမ်းပန်းဆက်သွယ်ရေး )
၃- ဒီကေဘီအေ အဖွဲ့ က ဗုဒ္ဓသာကို ကာကွယ်ဖို့  ရည်ရွယ်ပေမဲ့  နအဖ က ၂၀၀၇ ခုနစ် မှာသံဃာတွေကို သတ်ဖြတ်၊ ဘုန်းကြီးတွေ ကျောင်းကနေလူဝတ်လဲ ပြီးထွက်ပြေးနေရတဲ့
ဖြစ်ရပ်ဆိုးတွေကို မကာကွယ်နိင်၊ မကန့် ကွက်နိင်ခဲ့ပါဘူး။

၂၀၁၀ က တော့ ဒီကေဘီအေအတွက် လမ်းဆုံးကိုရောက်မဲ့နစ်ပါ။ နအဖက ဒီကေဘီအေကို
ရွေးခြယ်စရာ ၃ ခု ပေးလာနိင်ပါတယ်။ ဒါက

တစ်- ငါတို့ ကို ပြန်တိုက်မလား
နစ် - ငါတို့ ဆီမှာလက်နက်ချ ( ငါတို့ ခိုင်းတာလုပ်)

ကျနော် ယူဆတာကတော့ ဒီကေဘီအေ ဟာ နံပတ် ၁ ကို ရွေးလိမ့်မည်မဟုတ်ပါ။ ခေါင်းဆောင်တွေအများစု နအဖနဲ့ ပူးပေါင်းမည်။ မခံနိင်တဲ့ရဲဘော်တချို့  ကေအင်ယူနဲ့ လာပေါင်းလိမ့်မယ်။ ကေအင်ယူ ခေါင်းဆောင်မှု အသစ်က အရင်လို အမှားမျိုးမလုပ်ဘူးလို့ ယုံကြည်လျက်-။


- မိုးသီးဇွန် -