အမေရိက ကုန်းမကြီးသို့ တစ်နာရီကီလိုမီတာ ၁၇၀ နှုန်းဖြင့်ဦးတည်လာနေသော အီရင်းဟာရီကိန်းမုန်တိုင်းကြောင့် မြောက်ကယ်ရိုလိုင်းနား မှ နယူးယောက်အထိ အရေးပေါ်အခြေအနေကြေငြာထားပြီး လူများကို ကုန်းမြင့်ရာသို့ရွှေ့ပြောင်းနေထိုင် ကြရန် အာဏာပိုင်များက သတိပေးကြေငြာချက်ထုတ်ပြန်လိုက်သည်။
ဟာရီကိန်း အီရင်းတိုက်ခတ်မှုကြောင့် အမေရိကန်အရှေ့ဘက်ကမ်းခြေဒေသကို လူများစွန့်ခွာရွှေ့ပြောင်းခဲ့ကြရပြီး အရှေ့ဘက်သို့ မုန်တိုင်းရွေ့လျားရာလမ်းကြောင်းတွင်ရှိသော ဘဟာမိန်း ကျွန်းလေးပေါ်တွင် အိမ်ရာပေါင်း များစွာပျက်စီးခဲ့ သည်။
အီရင်းဗဟိုသည် အမေရိကန်ပြည်ထောင်စုတည်ရှိရာ မြောက်ဘက်သို့ဦးတည်နေကြောင်းဆိုသည်။ ကာရိုလိုင်းနားမှ နယူးအင်္ဂလန်အထိ လူပေါင်း ၆၅ သန်း အိုးအိမ်စွန့်ခွာထွက်ပြေးရကြသည်။ ခုနှစ်နှစ်အတွင်း အရှေ့ဘက်ကမ်းခြေဒေသကို အင်အားအပြင်းဆုံးတိုက်ခတ်မည်ဖြစ်သည်။
ကြာသပတေးနေ့ညနေက တစ်နာရီ ၁၈၅ ကီလိုမီတာနှုန်းဖြင့် မြောက်ကာရိုလိုင်းနား ဟက်ထရက်စ်အငူ မြောကဘက် ၈၅၅ ကီလိုမီတာအကွာတွင်ဗဟိုပြုကာ တိုက်ခတ်နေကြောင်း ဖလော်ရီဒါ မိုင်ယာမီရှိ အမေရိကန်အမျိုးသားဟာရီကိန်းဌာနက ပြောသည်။
တစ်နာရီ ၂၂ မိုင်နှုန်းအရွေ့ဖြင့် မြောက်ဘက်-အနောက်မြောက်ဘက်သို့ရွေ့လျားလာနေသည်။ ကြသပတေးနေ့နှင့် သောကြာနေ့များတွင် အင်အားတိုးပွားလာနိုင်ကြောင်း ဌာနရှိ မိုးလေဝသခန့်မှန်းသူများက ခန့်မှန်းခဲ့ကြသည်။
“ဟာရီကိန်းမုန်တိုင်းတစ်ခု ဝင်ရောက်လာနိုင်တယ်ဆိုတာ လူတိုင်းသိပါတယ်။”
“ပြင်ဆင်နေဖို့အတွက် အချိန်အများကြီးမရဘူး၊ အဆင်သင့်ဖြစ်နေဖို့လိုတယ် ဆိုတာ လူတိုင်းနားလည်ထားရပါမယ်။”
ဟု ပြည်ထောင်စုအရေးပေါ်အခြေအနေစီမံကွပ်ကဲရေးဌာန အကြီးအကဲ ကရစ်ဖူဂိတ်က ပြောသည်။
မုန်တိုင်းသည် စနေနေ့နံနက်ပိုင်းတွင် နယူးယောက်သို့ မရောက်မီ မြောက်ကာရိုလိုင်းနားသို့ တိုက်ခတ်မည်ဖြစ်ပြီး မုန်တိုင်းနှင့်အတူ အလွန်အန္တရာယ်ကြီးမားသော ရေလှိုင်းကြီးများ ၃.၄ မီတာအမြင့်အထိရောက်ရှိလွှမ်းမိုးနိုင်ကြောင်း အမျိုးသားမိုးဇလဌာန ကပြောသည်။
သောကြာနေ့မနက်ပိုင်းအပြီး ရွှေ့ပြောင်းထွက်ခွါသွားရန် သတိပေးထားချက်ကို မလိုက်နာဘဲ ကျန်နေရစ်သူများကို နောက်ပိုင်း လာရောက်ကယ်ဆယ်နိုင်မည်မဟုတ်ကြောင်း မြောက်ကာရိုလိုင်းနား ဒဲရ်ကမ်းရိုးတန်းဒေသရှိ လူများကို အရေးပေါ်ကယ်ဆယ် ရေးလုပ်သားများက လိုက်လံသတိပေးကြေငြာလျက်ရှိသည်။
“ထွက်ခွာသွားဖို့သတိပေးနေချိန်မှာ ထွက်မသွားဘဲနေခဲ့တယ် ဆိုရင်တော့ ကျွန်တော်တို့က တရားစွဲမှာ မဟုတ်ပါဘူး။ ဒါပေမယ့် ကိုယ့်ကိုယ်ကိုယ်တော့ အန္တရာယ်ကြားမှာ နေရစ်ခဲ့တယ် ဆိုတာသိရပါလိမ့်မယ်။” ဟု ဒေသဆိုင်ရာ တာဝန်ရှိသူ ကယ်လီဒေးဗစ်က ပြောသည်။
အခြေအနေအရလိုအပ်လာလျှင် အမျိုးသားလုံခြုံရေးတပ်သားအင်အား ၉၈,၀၀၀ လုပ်အားပေးရန် အသင့်ရှိကြောင်း အမေရိကန် စစ်ဘက်တာဝန်ရှိသူများက ကမ်းလှမ်းထားကြသည်။
ထို့ပြင် အင်္ဂါနေ့က ၅.၈ မဂ္ဂနီကျုပြင်းအားရှိ ငလျင်တစ်ခု ဝါရှင်တန်အပါအဝင် အဓိကမြို့ကြီးများတွင် မလှုပ်စဖူးလှုပ်ခတ်သွားခဲ့ သဖြင့် နောက်ထပ်စိုးရိမ်ကြောင့်ကျမှုတစ်ခု ရှိနေရပြန်သည်။
ပြည်နယ်အများအပြားရှိလူများ ကုန်းတွင်းပိုင်းသို့အရေးပေါ်ရွှေ့ပြောင်းမှုများကြောင့် ယာယီစခန်းများတွင် လူဦးရေတိုးပွားလာ လျက်ရှိခြင်းကြောင့် ပြည်ထောင်စုအာဏာပိုင်များက အစားအစာနှင့် သောက်ရေဗူးများ သန်းနှင့်ချီ၍စုဆောင်းထားကြောင်း ပြောသည်။
မုန်တိုင်းနှင့် ကီလိုမီတာ ၁,၂၀၀ အကွာတွင်ရှိသော နယူးယောက်မြို့၏ မြို့တော်ဝန် မိုက်ကယ်ဘလွန်းဘတ်ခ်ျက အနိမ့်ပိုင်းတွင် နေသော မြို့သူမြို့သားများအား တနင်္ဂနွေနေ့ အီရင်းမလာရောက်မီအမြင့်ပိုင်းများသို့ပြောင်းရွှေ့နေထိုင်ကြရန် နှိုးဆော်ထား သည်။
“မြေအနိမ့်ပိုင်းမှာ နေတဲ့သူတွေ ကားရှိတယ်ဆိုရင် အမြင့်ပိုင်းမှာသာ သွားရပ်ထားကြပါ။” သတင်းစာရှင်းလင်းပွဲတစ်ခု ပြုလုပ်၍ ဘလွန်းဘတ်ခ်ျက ပြောသည်။
နယူးယောက်မြို့လူမှုဝန်ဆောင်အဖွဲ့အစည်းများက နယူးယောက်အိမ်ခြေယာခြေမဲ့များ အတွက် စခန်းများဖွင့်လှစ်ပေးထားနိုင်ရန် ဆောင်ရွက်လျက်ရှိသည်။ နယူးယောက် ရဲဌာနကလည်း ကယ်ဆယ်ရေးလုပ်ငန်းများ အဆင်သင့်ဆောင်ရွက်နိုင်ရေးအတွက် လှေငယ်အစီး ၅၀ ကိုမြေနိမ့်ပိုင်းတွင် ပို့ဆောင်ထားပြီးဖြစ်ကြောင်းဆိုသည်။ ရေများအလုံးအရင်းဖြင့် ဝင်ရောက်လျှံတက်နိုင် သဖြင့် ရေနှုတ်ရသွယ်မြောင်းများ ရေစီးရေလာ ကောင်းမွန်စေရန် မီးသတ်ဌာနက ဆောင်ရွက်ခဲ့သည်။
ပူအာတိုရီကိုတွင် အီရင်းဝင်ရောက်တိုက်ခတ်သွားသဖြင့် ရေကြီးရေလျှံမှုများနှင့် မြေပြိုမှုများဖြစ်ပွားခဲ့သည်။ အင်္ဂါနေ့က ဆန်ဟွန်တွင် အသက် ၆၂ နှစ်ရှိ အမျိုးသမီးတစ်ဦး ရေလျှံနေသော မြစ်ကို သူမ၏မော်တော်ကားဖြင့် ဖြတ်ကူးရန်ကြိုးစားရင်း သေဆုံး သွားကြောင်း ရဲကပြောသည်။ ဒိုမီနီကန်သမ္မတနိုင်ငံတွင် မြစ်ရေလျှံခြင်း၊ ရေကြီးခြင်းနှင့် ရွှံ့မြေပြိုခြင်းများကြောင့် လူပေါင်း ၃၈,၀၀၀ ဦးနေရာရွှေ့ပြောင်းခဲ့ရသည်။
ကမ်ဘီတာမြို့တွင် အသက် ၄၀ နှစ် ရှိအမျိုးသားတစ်ဦး သူ၏နေအိမ်ရေနစ်မြုပ်သွားသောကြောင့် သေဆုံးခဲ့ကြောင်း၊ အယ်ဆီဘိုမြို့ တွင် အသက် ၄၂ နှစ်ရှိ ဟေတီရွှေ့ပြောင်းနေထိုင်သူတစ်ဦး မြစ်ထဲတွင်ရေနစ်သေဆုံးသွားကြောင်း သိရသည်။
တနင်္လာနေ့က အီရင်းဝင်ရောက်တိုက်ခတ်မှုကြောင့် ပူအာတိုရီကိုတွင် တစ်ဦးသေဆုံးခဲ့သည်။ အပျက်အစီး ဒေါ်လာသန်း ၅၀၀ ကျော်ရှိကြောင်း ပူအာတိုရီကို အာဏာပိုင်များက တွက်ချက်ထားသည်။
Source: Al Jazeera
No comments:
Post a Comment