ဟင်္သာတ ရေကြီး

Wednesday, July 20, 2011 ဇာနည်မာန်

ဂျူလိုင်လ ၉ ရက်နေ့ညကတည်းက သည်းသည်းမည်းမည်း အဆက်မပြတ်ရွာတဲ့မိုးကြောင့် ဧရာဝတီတိုင်း ဟင်္သာတမြို့မှာ နှစ် ၂၀ အတွင်း ထူးထူးခြားခြား ရေကြီးနေတယ်လို့ သတင်းရပါတယ်။ ဆင်ခြေဖုံး ရပ်ကွက် ၃ ခုနှစ် မြို့ပေါ်က ရပ်ကွက်၂ ခုမှာ အိမ်တွေတော်တော်များများ ရေမြုပ်ကုန်ပြီး လူသေဆုံးမှု၊ နေအိမ်တွေပျက်စီးမှုတော့မရှိဘူးလို့ ဟင်္သာတမြို့ခံတွေက ပြောပါတယ်။ ရေမြောင်းတွေပိတ်နေတာကြောင့် မိုးကြီးတော့ ရေဆင်းမကောင်းတော့ပဲ ရေမြုပ်တာလို့ ဆိုပါတယ်။ ဟင်္သာတမြို့ ပဒေသာဈေးကို ပိတ်လိုက်ရပြီး မြ၀တီ၊ ပင်လုံနဲ့ အေးမြသာယာ ရပ်ကွက်တွေမှာ ရေက ၄ ပေကျော်တက်နေတာကြောင့် ရေလွတ်ရာကို ရွှေ့ပြောင်းနေကြတယ်လို့ ဆိုပါတယ်။ ပန်းဘဲတန်းနဲ့ ဘုရားကြီးရပ်ကွက်မှာကတော့ ကားလမ်းပေါ်အထိ ရေမြုပ်နေတယ်လို့ သိရပါတယ်။
source Irrwaddy